Morgunblaðið - 06.01.2008, Blaðsíða 23

MORGUNBLAÐIÐ SUNNUDAGUR 6. JANÚAR 2008 23
Sundið er fullt starf út af fyrirsig,“ segir RagnheiðurRagnarsdóttir. „Ég hef því
ekki tíma fyrir fullt nám, en reyni
að hafa eitthvað fyrir stafni – ann-
ars leiðist mér. Ég fór í gullsmíði í
haust og núna er ég að byrja í
förðunarfræði. Svo stefni ég á há-
skólanám þegar ég minnka við
mig sundið.“
– Hvenær verður það?
„Sundmenn geta haldið sér góð-
um fram yfir þrítugt, en til þess
þarf að mikinn aga. Mig hefur
aldrei langað til þess að synda
fram á fertugsaldurinn.“
– Stefnirðu á aðra Ólympíuleika
eftir Peking í haust?
„Það er aldrei að vita. Ég ætla
að taka mér hvíld í haust, byrja
háskólanám og ná andanum. Ég
er orðin pínulítið þreytt á þessum
þrotlausu æfingum, en einhvern
veginn getur maður aldrei hætt.
Hver veit?“
– Hversu mikið æfirðu?
„Tvisvar til þrisvar á dag, tvær
tveggja tíma æfingar í sundlaug-
inni og klukkutíma æfing í þrek-
salnum. Þetta eru hátt í þrjátíu
tímar á viku. Og ekki vinna þar
sem maður stimplar sig út, heldur
borðar reglulega og hollt, sefur
vel – hugsar um sjálfan sig.“
– Aginn er mikill?
„Svakalega, en þetta er orðin
rútína. Stundum er ég spurð
hvernig ég nenni að vakna svona
snemma til að fara á æfingar, en
ég gæti eins spurt aðra hvernig
þeir nenna að mæta í vinnu á
morgnana eða í skólann. Maður
nennir því ekkert endilega, en hef-
ur sett sér markmið, ætlar að ná
þeim og gerir það sem þarf. Þótt
gleðin sé ekki alltaf mikil á
morgnana, þá er þetta skemmti-
legt, sem betur fer.“
– Hvernig er mataræðið?
„Samhliða æfingum og keppni
borða ég ekki sykur, en ég fæ mér
smávegis um jólin. Ég borða ekki
mikið af pasta eða brauði, en ég
borða ávexti og grænmeti, kjöt og
fisk, og mjólkurvörur, jógúrt og
skyr. Mér líður illa eftir að hafa
borðað pasta, pítsur eða djúp-
steikt, maður verður þungur á sér
og þá er heill dagur farinn. Það er
mikilvægt að halda þræði.“
– Og hvenær vaknarðu?
„Ég vakna klukkan fimm fyrir
morgunæfingar, sem eru hálfsex,
en ég hef ekki verið í skóla und-
anfarið og get því leyft mér að
mæta á æfingar klukkan átta. Svo
er það misjafnt hvenær ég fer í
háttinn, stundum verð ég þreytt
klukkan tíu og stundum tólf.“
– Hlakkarðu til Peking í haust?
„Já, það verður spennandi.“
– Þú kepptir á Ólympíuleikunum
í Aþenu fyrir fjórum árum?
„Það var ótrúleg upplifun, mað-
ur var ægilega stressaður, horfði
bergnuminn í kringum sig og upp-
lifði margt nýtt. Ég er fegin að
vera reynslunni ríkari, því það
gekk upp og ofan, en að þessu
sinni get ég einbeitt mér að því að
standa mig vel.“
– Þessu fylgja mikil ferðalög?
Ætli einn fjórði af árinu fari
ekki í ferðalög; ég er stöðugt að
koma og fara. Það þarf að venjast
svona lífi, flugvélum, rútum, lest-
um. Og ekki auðvelt að halda sér í
formi og missa ekki einbeitinguna.
Þetta er þreytandi til lengdar, að
vera stundum heilan mánuð fjarri
vinum og fjölskyldu. En sem betur
fer fara fleiri sundmenn í ferð-
irnar, svo maður hefur félags-
skap.“
– Hver er síðasta hugsunin áður
en þú stingur þér í laugina?
„Ég hef ekki hugmynd um það.
Á HM bætti ég mig um tæpa sek-
úndu í 100 m skriðsundi, náði lág-
marki fyrir Ólympíuleikana, en ég
man ekki hvað gerðist frá kepp-
endaherberginu þar til ég kom
þangað aftur eftir sundið. Maður
veit hvað þarf að gera, hefur farið
í gegnum það þúsund sinnum og
það bara gerist. Stundum man ég
eitt og eitt atriði, eins og í þessu
sundi man ég hvað ég hugsaði í
snúningnum. Þjálfarinn kom til
mín eftir sundið og sagði að það
hefði verið frábært, allt nema
snúningurinn. Þetta er eins og að
labba, ef manni verður á að hugsa
hvort eigi að setja vinstri fótinn
fram eða hægri, þá fer allt úr
skorðum.“
– Er erfiðið þess virði?
„Já, ég efast aldrei um það. Ég
læri mikið á þessu, hef tileinkað
mér heilbrigðan lífsstíl, sem á eftir
að endast mér alla ævi, þó að
vissulega fórni maður miklu. Það
er t.d. erfitt að horfa upp á vinina
útskrifast úr háskóla og hefja
starfsframa þegar maður er ekki
farinn að leggja línur sjálfur fyrir
framtíðina. En ég læri inn á sjálfa
mig, líkama minn og að halda mér
í góðu jafnvægi. Það er vel þess
virði og verður að hafa það, þó að
ég verði aðeins eldri þegar ég út-
skrifast úr háskóla.
– Ertu með bók á náttborðinu?
„Nú les ég um hjólreiðamanninn
Lance Armstrong. Ég les ekki síst
meðfram æfingum fyrir keppni og
gjarnan bækur sem rifja það upp
fyrir mér að ekki er til einskis að
fara á fætur klukkan fimm á
morgnana.“
Þarf að venjast
svona lífi
Morgunblaðið/Valdís Thor
Sund Ragnheiður Ragnarsdóttir segist læra inn á sjálfa sig í sundinu. pebl@mbl.is
Setning
Árni M. Mathiesen, fjármálaráðherra.
Skattasamkeppni milli landa
Richard Teather
Bournemouth University, Associate Senior Lecturer in Taxation.
Fjallar um samkeppni milli landa um að laða til sín fjármagn og vinnuafl með
hagkvæmri skattastefnu.
Skattabreytingar – tækifæri eða vandamál
Guðmundur Skúli Hartvigsson,
Lögfræðingur á skatta- og lögfræðisviði Deloitte
Fjallar um breytingar á skattalögum árið 2007 og hvað er framundan.
Skatta- og lagaleg staða erlends starfsfólks
Jörundur Þórarinsson
Verkefnisstjóri á skatta- og lögfræðisviði Deloitte
Fjallar um það skattaumhverfi sem við búum í, hvað varðar erlent starfsfólk.
Tvísköttun í virðisaukaskatti
Vala Valtýsdóttir
Forstöðumaður skatta- og lögfræðisviðs Deloitte
Fjallar um áhrif tvísköttunar í virðisaukaskatti og hvað ber að hafa í huga til
að koma í veg fyrir hana.
Fundarstjórn
Guðrún Hálfdánardóttir, aðstoðarfréttastjóri mbl.is.
P
IP
A
R
•
S
ÍA
•
7
26
0
8
Skattadagurinn
Morgunverðarfundur
2008
miðvikudaginn 9. janúar kl. 8.15–10.00 á Grand Hótel Reykjavík
Skráning á www.deloitte.is, netfanginu skraning@deloitte.is og í síma 580 3000.
Fundarsalur: Gullteigur, Grand Hótel Reykjavík • léttur morgunverður • verð kr. 2.500.
FJÖLNIR
KR
Íþróttamiðstöðin Grafarvogi.
Sunnudaginn 6. janúar
Kl.19:15
Grafarvogsbúar mætum öll
og styðjum okkar menn í baráttunni!
Frítt fyrir börn innan 16 ára!