Morgunblaðið - 06.01.2008, Qupperneq 54

Það þarf varla að
kynna þessa síðu fyrir
aðdáendum kvikindislegra
teiknimyndabrandara … 60
»
reykjavíkreykjavík
FYRIRTÆKIÐ New Line Cinema
yrði seint sakað um að ráðast á
garðinn þar sem hann er lægstur í
verkefnavali. Fyrst var það þríleik-
urinn Hringadróttinssaga og nú
hafa ráðamenn þar á bæ ráðist í
framleiðslu fyrstu bókar Philips
Pullmans af þremur sem hafa yf-
irskriftina His Dark Materials. Ber
sú fyrsta heitið Northern Lights en
er e.t.v. betur þekkt undir nafninu
Gullni áttavitinn (The Golden
Compass). Reyndar kallaði Pullman
sjálfur þríleikinn sinn iðulega
Gullna áttavitann. Myndin er sann-
kölluð ævintýramynd. Þar má sjá
ísbjörn sem talar með málrómi Ian
McKellen, björninn Ragnar Sturlu-
son og fljúgandi nornina Serafinu
Pekkala. Þess má geta að það er
fullyrt í kvikmyndatímaritinu Emp-
ire að Pullman hafi sjálfur viljað fá
Björk til að leika Serafinu.
Það var ljóst frá upphafi að fyr-
irtækið ætlaði sér ekki minni vel-
gengni með myndina og hugs-
anlegar framhaldsmyndir hennar en
þríleik Peters Jackson. Á kvik-
myndahátíðinni í Cannes, sem fór
fram síðasta vor, var blásið til mik-
illar kynningar á myndinni og öllu
sem henni við kemur þó svo að ein-
ungis væri tilbúið til sýningar um
10 mínútna sýnishorn af henni.
Meðal þeirra sem mættu á svæðið
til að kynna myndina var leikarinn
Daniel Craig sem fer með hlutverk
Lord Asriel í myndinni.
Þegar Craig mætir til viðtals
byrjar hann á að rifja upp gamla
viðtalstíma með kollega mínum frá
Þýskalandi, viðtal sem greinilega
hafði ekki gengið sem skyldi fyrir
nokkrum árum.
„Ég frétti reyndar að Roman Pol-
anski hefði labbað út úr viðtali hér á
hátíðinni um daginn. Mér finnst það
nokkuð góð hugmynd hjá honum,“
segir Craig en lætur sem betur fer
ekki verða af því að apa þessa hegð-
un eftir Polanski. Því getur viðtalið
hafist.
Erfitt að þiggja boðið um Bond
Craig er greinilega enginn ný-
græðingur þegar kemur að kvik-
myndahátíðinni í Cannes, hann hef-
ur verið hér oft áður. Hann segir
ekki mikið hafa breyst nema
kannski aðstöðu sína á staðnum,
hann dvelji nú á langtum glæsilegra
hóteli en áður. Breytingarnar megi
rekja til einnar afdrifaríkustu
ákvörðunar sinnar á starfsferlinum,
að taka að sér hlutverk James
Bond.
„Ég er auðvitað bara þakklátur
fyrir að hafa nóg að gera og fá að
vinna vinnuna mína,“ segir Craig
auðmjúkur.
Hann segir það hafa verið mjög
erfiða ákvörðun fyrir sig að ákveða
að þiggja boð um að verða sjötti
James Bond hvíta tjaldsins.
„Það tók mig hálft annað ár að
ákveða mig endanlega hvort ég ætti
að slá til. Ég spurði alla sem ég
þekki ráða en sá eini sem gat tekið
endanlega ákvörðun var auðvitað
bara ég sjálfur. Ég hugsaði einfald-
lega, ef ég vil ekki gera
þetta … hvað þá.“
Nú þykir líklegt að framhald
verði á ævintýrum Asriels og félaga
hans og ný Bond-mynd er einnig í
bígerð. Ætli Craig sé ekkert
hræddur um að verkefnaval hans
skilji ekki eftir mikið rúm til að taka
að sér önnur hlutverk sem kunna að
bjóðast.
„Nei, ótrúlegt en satt, er nógur
tími til þess líka.“
Blár og marinn að vanda
Craig fer með hlutverk vísinda-
mannsins Lord Asriel í Gullna átta-
vitanum, eins og áður sagði. Craig
lýsti persónunni þannig:
„Hann er vísindamaður og einnig
talsverður ofurhugi. Hann vílar ekki
fyrir sér að hlaupa maraþonlangar
vegalengdir daglega upp um fjöll og
firnindi í leit að sannleikanum,“ seg-
ir Craig og viðurkennir að í honum
blundi ofurhugi.
„Við vorum við tökur uppi á fjöll-
um í Sviss. Við vorum flutt þangað
með þyrlum og stundum var óvíst
hvort við kæmumst yfirhöfuð niður
þann daginn. Þá vonaði ég alltaf að
við yrðum veðurteppt.“
Af sýnishorni myndarinnar að
dæma er mikið um tæknibrellur
sem gera meðal annars ísbjörnum
kleift að ræða málin við mannfólkið.
Er það ekki skrýtið fyrir leikara að
leika á móti grænum skjá meiri-
hluta tímans?
„Ótrúlegt en satt þá var ekki
mikið notast við græna skjái við
gerð myndarinnar. Íshellirinn sem
sést í myndinni var til dæmis skor-
inn út í jökul í Noregi og heilu
sviðsmyndirnar voru byggðar fyrir
okkur að leika í svo að þetta var allt
mjög raunverulegt. Einnig finnst
mér mjög gaman að fá að gera eitt-
hvað af áhættuatriðum mínum sjálf-
ur til að þetta verði enn raunveru-
legra,“ segir Craig sem aðeins
tveimur dögum áður hafði verið að
renna sér niður ísilagðar brekkur í
Noregi við upptökur á aukaefni fyr-
ir myndina. „Ég er búin að vera all-
ur blár og marinn á skrokknum síð-
an tökur hófust en ég var reyndar
vanur því síðan í Bond-myndunum.“
Snemma beygist krókurinn og
Craig segist hafa sem barn hafa
viljað verða áhættuleikari.
„Mér fannst bara svo gaman að
detta af hjólinu mínu,“ segir hann.
„Svo fór leiklistin að heilla mig en
ég er reyndar leikari á öðrum for-
sendum í dag en ég var þegar ég
byrjaði. Í dag sé ég leiklistina sem
vettvang til að koma málefnum á
framfæri auk þess sem hún getur
skemmt fólki.“
KVIKMYNDIN GULLNI ÁTTAVITINN VAR TEKJU-
HÆSTA KVIKMYND SÍÐUSTU VIKU HÉR Á LANDI
ENDA ÆSISPENNANDI OG MARGLAGA ÆV-
INTÝRAMYND SEM HÖFÐAR TIL ALLRA ALDURS-
HÓPA. BIRTA BJÖRNSDÓTTIR HITTI AÐ MÁLI Á
CANNES Á SÍÐASTA ÁRI EINN AÐALLEIKARA
MYNDARINNAR, DANIEL CRAIG.
Craig í Sviss „Við vorum við tökur uppi á fjöllum í Sviss. Við vorum flutt þangað með þyrlum og stundum var
óvíst hvort við kæmumst yfirhöfuð niður þann daginn. Þá vonaði ég alltaf að við yrðum veðurteppt.“
ÍMÉR BLUNDAR OF