Morgunblaðið - 06.01.2008, Qupperneq 33

MORGUNBLAÐIÐ SUNNUDAGUR 6. JANÚAR 2008 33
ingar við óvinsælar umbætur, sem forveri Angelu
Merkel, Gerhard Schröder stóð fyrir. Bezta tæki-
færi flokksins til sigurs (í kosningum í einstökum
ríkjum sambandslýðveldisins, sem standa fyrir dyr-
um á þessu ári, innskot Mbl.) er í Hamborg en þar
er önnur ógn til staðar; ef Frjálsir demókratar fá
ekki nægilega mörg atkvæði til að eignast fulltrúa í
borgarstjórn er hugsanlegt að Kristilegir demó-
kratar myndi fyrstu stjórn sína með Græningjum á
þessu stjórnstigi, eins konar tilraunastarfsemi fyrir
samstarf á landsvísu, sem mundi útiloka Jafnaðar-
mannaflokkinn eftir kosningarnar 2009.“
Svo undarlega vill til, að þessi framtíðarsýn Eco-
nomist í þýzkum stjórnmálum blasir við hér og opn-
ar Sjálfstæðisflokknum alveg nýja möguleika. Í
borgarstjórn Reykjavíkur er komin upp óvænt
staða. Meirihluti sjálfstæðismanna og framsóknar-
manna fallinn en nýr vinstri meirihluti tekinn við.
Sá meirihluti stendur hins vegar ekki á traustum
grunni eins og m.a. má sjá af því, að það er engin
samstaða í þeim meirihluta um þá ákvörðun Dags
B. Eggertssonar borgarstjóra að flytja hús við neð-
anverðan Laugaveg í burtu. Þetta kemur skýrt
fram í fréttum Morgunblaðsins í dag, laugardag.
Meira máli skiptir þó, að ekki verður enn séð að
samstaða sé innan meirihlutans um málefni Orku-
veitu Reykjavíkur.
Þegar horft er til málefnanna eingöngu er ljóst
að meiri samstaða er milli sex borgarfulltrúa Sjálf-
stæðisflokksins og borgarfulltrúa Vinstri grænna
en annarra hópa innan borgarstjórnarinnar. Það er
því ljóst að á málefnalegum forsendum væri auðvelt
að mynda meirihluta milli þessara tveggja flokka í
borgarstjórn Reykjavíkur með sama hætti og
brezka tímaritið, sem vitnað var til, telur að geti
gerzt í borgarstjórn Hamborgar.
Myndun slíks meirihluta í borgarstjórn Reykja-
víkur með Svandísi Svavarsdóttur sem borgar-
stjóra mundi hafa tvenns konar þýðingu. Í fyrsta
lagi mundi reyna á hvernig samstarf gengi á milli
Sjálfstæðisflokks og Vinstri grænna, sem vissulega
væri forvitnilegt. Í öðru lagi gæti slíkt samstarf
hugsanlega vísað veginn til samstarfs á landsvísu
eins og talað er um að gæti gerzt í Þýzkalandi.
En jafnframt kæmi líka í ljós, hvort Vinstri
grænir hafa yfirleitt kjark til þess að taka á sig
ábyrgð á stjórn, hvort sem er í sveitarstjórn eða á
landsvísu. Innan raða Vinstri grænna gætir óróa
vegna þess, að þeir fái ekki tækifæri til að sýna hvað
í þeim býr. Þess vegna er þeim mun furðulegra að
þeir skuli ekki grípa það tækifæri, sem þeim aug-
ljóslega gefst í borgarstjórn Reykjavíkur.
Vinstri grænir eiga ekki að líta á slíka meiri-
hlutamyndun sem einangrað fyrirbæri heldur sem
aðdraganda að hugsanlegu samstarfi á landsvísu
við Sjálfstæðisflokkinn.
Þýðing meirihlutasamstarfs með Vinstri græn-
um í borgarstjórn Reykjavíkur fyrir Sjálfstæðis-
flokkinn er augljóslega frá „strategísku“ sjónar-
miði, að flokkurinn mundi í einu vetfangi losa sig út
úr þeirri stöðu, að eiga engra annarra kosta völ en
samstarfs við Samfylkingu, sem er auðvitað óþol-
andi staða fyrir Sjálfstæðisflokkinn. Þar með hefði
svið stjórnmálanna gjörbreytzt. Samstarf á milli
Sjálfstæðisflokks og Vinstri grænna í borgarstjórn
þýddi að samstarf þessara tveggja flokka á lands-
vísu væri hugsanlegt. Samfylkingin væri ekki leng-
ur í þeirri stöðu að geta deilt og drottnað. Eins og
mál standa nú þarf Ingibjörg Sólrún ekki einu sinni
að benda á, að hún eigi sem stendur einkarétt á
samstarfi við Framsókn og Vinstri græna. Það
blasir við að öllu óbreyttu.
Lykillinn að framtíðarstöðu Sjálfstæðisflokksins
í íslenzkum stjórnmálum er því um þessar mundir í
borgarstjórn Reykjavíkur.
Sjálfstæðisflokkur og Vinstri grænir eiga um
margt sameiginlegra hagsmuna að gæta. Vinstri
grænir hafa verið í pólitískri einangrun en þurfa
ekki að vera það lengur. Sjálfstæðisflokkurinn er í
þeirri hættu að verða fangi Samfylkingar í ríkis-
stjórn en þarf ekki að vera það.
»En það verður ekki horft fram hjá langtímahagsmunumflokka í ákvörðunum sem þessum. Þegar saman fer ákvörð-
un um að opna helzta keppinautinum leið til valda og hins vegar
að draga úr líkum á samstarfi við aðra í framtíðinni getur
stjórnarsamstarfið við Samfylkinguna ekki síður verið „dýru
verði keypt“ en samstarf við Vinstri græna hefði orðið að mati
formanns Sjálfstæðisflokksins.
rbréf
Morgunblaðið/Golli
Skammdegið Reiðhjólið getur verið góður kostur í umferðaröngþveitinu.