Morgunblaðið - 06.01.2008, Blaðsíða 36
36 SUNNUDAGUR 6. JANÚAR 2008 MORGUNBLAÐIÐ
UMRÆÐAN
URRIÐAHOLT - PARHÚSALÓÐIR Í GARÐABÆ
Fallegar parhúsalóðir við Kinnargötu komnar í sölu. Lóðirnar eru
fyrir ofan götu í næst neðstu götunni við sjálft Urriðavatn.
Verð á lóðunum eru kr. 24.000.000,-, eða kr. 12.000.000,-
per íbúð. Stærð lóða eru upp í tæpa 700 fm.
Lóðirnar afhendast í april nk. Einstakt svæði þar sem fara
saman fallegar lóðir, náin tengsl við náttúruna,
gott skipulag og fallegt útsýni.
Nánari uppl veita Heiðar Birnir sölumaður í síma 824-9092(hei-
dar@eignamidlun.is) og Geir Sigurðsson lögg. fasteignasali í
síma 824-9096(geir@eignamidlun.is).
GRENSÁSVEGUR - ATVINNUHÚSNÆÐI
Tvö skrifstofurými samtals 439 fm á þriðju
og efstu hæð. Eignin býður upp á mikla
möguleika. Eignin er laus strax.
Nánari uppl. veitir Heiðar Birnir sölumaður
í síma 824-9092.
Verð kr. 74,7 millj.
KVISTHAGI - SÉRHÆÐ Glæsileg mikið
endurnýjuð neðri sérhæð. Hæðin skiptist í
anddyri, hol, eldhús, stofu, borðstofu,
barnaherbergi, hjónaherbergi og baðher-
bergi. Geymsla er í kjallara. Húsið er mjög
fallegt og hefur verið skipt um allt gler
íbúðinni og pósta í gluggum. Einnig var
skipt um opnanleg fög. V. 39,0 m. 7149
HAGAMELUR - SÉRHÆÐ 5 herbergja, vel
skipulögð, 117,2 fm, neðri sérhæð í fal-
legu húsi sem nýlega er búið að stands-
etja. Hæðin skiptist í forstofu, forstofuher-
bergi, hol, tvær samliggjandi stofur, eld-
hús, barnaherbergi, hjónaherbergi og
baðherbergi. Tilboð 7241
GNOÐARVOGUR - FRÁBÆR STAÐ-
SETNING Mjög falleg, 3ja-4ra herb. íbúð á
2. hæð í litlu fjölbýli. Íbúðin skiptist í for-
stofuhol, eldhús, stofu, borðstofu, bað-
herb. og tvö svefnherbergi. Örstutt í alla
þjónustu og útivistarsvæði s.s. Laugarda-
linn og Elliðaárdalinn. V. 24,5 m. 7258
STIGAHLÍÐ - LAUS STRAX Mjög góð og
vel skipulögð, 3ja herbergja, 84,6 fm íbúð
á 3. hæð í góðu fjölbýli. Íbúðin er mikið
endurnýjuð, nýtt parket á gólfum og ný-
uppgerð eldhúsinnrétting. V. 22,9 m.
7250
ÞAÐ eru stundum skrítnar rök-
leiðingarnar í henni veröld. Sér-
staklega í veröld okkar mannanna.
Eða það finnst mér stundum.
Laugardaginn 10. nóvember birt-
ist grein í Mbl. eftir Jóhönnu Sig-
urðardóttur þar sem
hún dregur þá ályktun
af ýmsum rannsóknum
að kynjaskiptur vinnu-
markaður sé hindrun
fyrir jafnri stöðu karla
og kvenna. Að kyn-
bundið starfsval ýti
undir launamisrétti og
lakari stöðu kvenna.
Þ.e. að vegna þess að
konur velja sér störf
eftir sínu eðli og karlar
sínu þá leiði það til
misréttis.
Lausnin ætti því
samkvæmt grein Jó-
hönnu að vera sú að vinna gegn
þessu og reyna að koma fleiri kon-
um í karlastörf og körlum í kvenna-
störf. Þannig að best sé að koma
kúguðum kvennastéttum til að
kenna börnum að konur geti unnið
karlastörf og karlar kvennastörf. Ef
ég skil hana og fleiri sem eru sama
sinnis rétt.
Nú hefur verið hrint af stað verk-
efni sem á að bæta úr þessu misvægi
í vali fólks á störfum og stuðla þann-
ig að jafnrétti. Að þessu verkefni
standa margar merkar stofnanir,
sem með því stuðla að því að koma
fræðslu til m.a. leik- og grunnskóla-
kennara sem er síðan ætlað að
fræða ungmenni þessa lands þannig
að þau taki ákvarðanir óháð stöðl-
uðum kynjaímyndum og hefð-
bundnu starfsvali.
Jóhanna kemur inn á að hefð-
bundin kvennastörf hafa verið til
færri fiska metin en hefðbundin
störf karla.
Svo sannarlega er umhyggja Jó-
hönnu og margra stallsystra hennar
fyrir þessum málaflokki virðing-
arverð. En hinsvegar er ég ekki
sammála niðurstöðu þeirra um leið-
ir. Stundum finnst mér eins og þær
telji sig geta sett sjálfar sig á stall
fyrir að hafa getað stigið út fyrir
hinn hefðbundna kynjaramma. En
hugarfarið almennt gagnvart hefð-
bundnum störfum kvenna er því
miður þannig (líka hjá kvenrétt-
indakonum) að frekar hefur verið
litið niður á þau störf, hvort sem þau
voru unnin (gefin) inni á heimilunum
eða nú á stofnunum sumpart svo
stallsystur aðrar geti unnið á öðrum
vettvangi.
Það sem ég hnaut
um fyrst í þessari grein
var sú hugsun sem oft
birtist meðal samferða-
manna, sem með ann-
arri hendi styðja það
að halda niðri kjörum
kvennastétta og með
hinni berjast fyrir jafn-
rétti, finnst sjálfsagt að
varpa á þessar stéttir
sem vinna með börn og
unglinga þeirri ábyrgð
að stuðla að hugarfars-
breytingu meðal
þeirra. Þessum stétt-
um er nú ekki bara
ætlað að kenna þeim að lesa og
reikna, heldur innræta þeim alls-
konar hugarfar er varðar lýðræði,
jafnrétti og bræðralag, ásamt því að
aga þau og ala upp, láta þeim líða vel
og kenna þeim að umgangast hvert
annað af virðingu.
Við kennarar fórum í verkfall til
að reyna að hafa áhrif á kjör okkar
eftir að allt annað þraut, og vorum
beitt beinu valdboði af yfirvöldum
og upplifum alls konar ofbeldi gegn
okkar stétt, t.d. að öll sveitarfélög
landsins skuli koma sér saman um
að halda niðri launum okkar. Hvað
er það annað en verðsamráð?
Hvað mig persónulega varðar hef-
ur það verið einstök reynsla að fara
úr fjölmiðlastörfum yfir í kennslu-
störf. Mest undrar mig sú nið-
urlægjandi framkoma margra
þeirra sem koma að þessari stétt,
svo sem alþingismanna, ráðherra,
starfsfólks á menntasviði og fólks
innan Kennaraháskólans. Þar nefni
ég helst til illt umtal og niðrandi
framkomu. Það er skrýtið miðað við
kröfurnar sem til okkar eru gerðar
og ábyrgðina sem við berum. Þrátt
fyrir þetta er okkur treyst fyrir sí-
fellt flóknari og erfiðari verkefnum
þó svo að sé stigið á alla tilburði
okkar til að hafa áhrif á starfsum-
hverfið og launakjörin.
Nú á þessi stétt að uppfræða ung-
dóminn um jafnrétti. Stéttin sem
reynir ójafnréttið, vanvirðinguna og
vanmatið á störfum kvenna á eigin
skinni.
Oft hef ég undrast það hversu
hæft fólk hefur fengist þrátt fyrir
allt og hversu oft þessu fólki tekst
að láta þetta ekki trufla störf sín.
Eins og máltækið „Það læra börn-
in sem fyrir þeim er haft“ sýnir, þá
læra börn meira af því sem við ger-
um heldur en af því sem við segjum.
Það sem við aðhöfumst stýrist af
hugarfari okkar. Þannig að hvað er
það sem við teljum okkur fá út úr
því að halda þessum kvennastéttum
niðri? Hver er yfirhöfuð talinn
ávinningur af því að niðurlægja ann-
an? Misskilningur er að telja að það
sé ávinningur.
Ég held að við getum ekki enda-
laust gengið að fórnfýsi kvenna
vísri. Með því að virða ekki það sem
við konur höfum veitt til að næra
fólkið og samfélagið okkar, vinnum
við ekki að raunverulegu frelsi.
Margar konur eru að gefast upp á
því álagi, þeirri láglaunastefnu og
þeim skorti á næringu og virðingu
sem þær þarfnast í þessum svoköll-
uðu hefðbundnu kvennastörfum.
Kynjaskiptur vinnumarkaður er
að mínu mati ekki hindrun fyrir
jafnri stöðu karla og kvenna, heldur
eru það viðhorf okkar til hefðbund-
inna kvennastarfa. Það þarf ekki
annað enn að brjóta múrinn með því
að fara að virða þessi störf og launa
eftir því. Það ávinnst ekkert með því
að fara eins og köttur í kringum
heitan graut og spinna allskonar
fræðslukenningaköngullóarvefi.
Göngum frekar hreint til verks og
gerum það sem þarf.
Hvað er það sem við höfum
fyrir börnunum?
Andrína Guðrún Jónsdóttir er
ósammála Jóhönnu Sigurð-
ardóttur í jafnréttismálum
»Kynjaskiptur vinnu-markaður er að
mínu mati ekki hindrun
fyrir jafnri stöðu karla
og kvenna, heldur við-
horfin til hefðbundinna
kvennastarfa.
Adrína Guðrún
Jónsdóttir
Höfundur er grunnskólakennari.
FYRRVERANDI bæjarstjóri á
Álftanesi og núverandi oddviti
sjálfstæðismanna í bænum, Guð-
mundur G. Gunnarsson, skrifar í
Morgunblaðinu 2. janúar og hvet-
ur íbúa til að mótmæla auglýstri
tillögu að deiliskipulagi fyrir mið-
svæðið. Þess er skemmst að minn-
ast að hann, sem bæjarstjóri, hafði
að engu mótmæli u.þ.b. 700 Álft-
nesinga í desember 2005, sem þá
óskuðu eftir öðrum tillögum um
miðsvæðið t.d. á grundvelli arki-
tektasamkeppni.
Það kom í hlut Á-lista, eftir
kosningar að leita sátta um mið-
svæðið. Í samræmi við kröfur íbú-
anna var ákveðið að breyta hinu
umdeilda skipulagi og efna til
arkitektasamkeppni. Bæjarstjórn
samþykkti samhljóða nýtt vinnu-
lag og í framhaldi að vinna skipu-
lag á grundvelli verðlaunatillögu
Gassa arkitekta. Nú þegar tillaga
Gassa arkitekta hefur verið aug-
lýst er reynt efna til ófriðar.
Rangar fullyrðingar um
skipulag miðsvæðisins
Vinna að skipulagsmálum á
Álftanesi er með öðrum hætti en
áður var. Hagsmunaaðilar eru
vissulega hafðir með í ráðum en í
stað þess að þeir ráði stefnunni, er
nú unnið samkvæmt forsendum
sveitarfélagsins og m.a. þess
vegna eru skilmálar arkitekts og
hönnuða strangari en almennt
hafa þekkst. Margt er ranglega
sagt í grein Guðmundar
og tel ég rétt að leið-
rétta helstu missagnir
hans um skipulags-
málin. Að leiðrétta ann-
að í grein hans bíður
betri tíma, svo sem um
fjármál sveitarfé-
lagsins, en há fast-
eignagjöld á Álftanesi
eru í raun á ábyrgð D-
listans sem aldrei tókst
að byggja upp traustan
fjárhag bæjarsjóðs eða
breikka tekjustofna
sveitarfélagsins s.s.
með atvinnulífi. Varðandi skipu-
lagsmálin vil ég koma eftirfarandi
á framfæri:
a) Ný auglýst tillaga gerir ráð
fyrir u.þ.b. 25% minni þéttleika
byggðar en í umdeildu skipulagi
Guðmundar. Með því að setja
hluta af bílastæðum undir yfirborð
skapast aukið rými til almennings-
nota, eða allt að tveir hektarar á
miðsvæðinu. Ný tillaga fyrir mið-
svæðið er nefnd grænn miðbær
b) Í græna miðbænum er minna
af þriggja hæða húsum en í nú-
gildandi skipulagi Guðmundar sem
gerir m.a. ráð fyrir 12.000 m2 húsi
á þremur hæðum framan við lóð
Álftanesskóla.
c) Magn bygginga á miðsvæðinu
hefur aukist vegna þess að nú er
svæðið rúmlega tutt-
ugu hektarar en í
fyrra skipulagi var
aðeins hluti mið-
svæðisins skipulagð-
ur eða um níu hekt-
ara. Tillaga að
grænum miðbæ nær
yfir svæðið beggja
vegna Suð-
urnesvegar en ekki
aðeins norðan veg-
arins. Auk þess
tengist hluti aðliggj-
andi lands í Svið-
holti miðsvæðinu,
m.a. til að opna nýjar gönguleiðir
íbúanna að ströndinni við Hauks-
hús.
d) Helstu vegabreytingar í til-
lögunni eru til þess að auka ör-
yggi, lækka umferðarhraða og
laga þjóðvegi að þéttbýli. Íbúar á
Álftanesi hafa vaxandi áhyggjur af
umferðarhraða. Þessir þættir voru
vanmetnir af fulltrúum D-lista sem
ætluðu að byggja nýjan miðbæ án
þess að gera kröfu á Vegagerðina
um lagfæringu þjóðveganna. Þjóð-
Álftnesingar vilja samstöðu
Sigurður Magnússon karpar
við Guðmund G. Gunnarsson
um skipulag á Álftanesi
Sigurður Magnússon
Af hverju að bíða og bíða eftir stóra vinningnum þegar þú getur unnið fyrir öllu sem þig
langar að eignast? Það eina sem þú þarft að gera er að bera út blöð í 1-3 tíma á dag.
Besta aukavinna sem þú getur fundið og góð hreyfing í þokkabót!
Hringdu núna og sæktu um í síma 569 1440 eða á mbl.is!
Sæktu um blaðberastarf
– alvörupeningar í boði!