Morgunblaðið - 06.01.2008, Blaðsíða 37

MORGUNBLAÐIÐ SUNNUDAGUR 6. JANÚAR 2008 37
Gott atvinnuhúsnæði
óskast miðsvæðis
í Reykjavík
Okkur er falið að auglýsa eftir nýlegu góðu lager- og
skrifstofuhúsnæði, fyrir traustan viðskiptavin okkar. Húsnæðið
þarf að vera miðsvæðis í Reykjavík og vera af stærðinni
1500-2500 m², þar af þarf skrifstofuhlutinn að vera minnst
600 m². Í boði er langtíma leigusamningur.
Áhugasamir vinsamlega hafið samband við sölumenn
atvinnuhúsnæðis á skrifstofu Viðskiptahússins
Skúlagötu 17, eða í síma: 690 3665 Haraldur og
Þórhallur sími: 899 6520
Skúlagata 17 • 101 Reykjavík • Sími 566 8800 •
www.vidskiptahusid.is • Jón Sigfús Sigurjónsson Hdl & Löggiltur FFS
M
bl
9
49
42
1
Skaftahlíð 12
Falleg 4ra herb. íbúð
Opið hús í dag frá kl. 14-16
Falleg og vel skipulögð, 112 fm íbúð á 2. hæð í þessu eftirsótta fjölbýli,
teiknað af Sigvalda Thordarsyni. Íbúðin er mjög björt og vel skipulögð
og skiptist í rúmgott hol, samliggjandi bjartar stofur, eldhús, 3 herbergi
og baðherbergi. Tvennar svalir til suðurs og austurs. Útsýni til Perlunnar
og Hallgrímskirkju úr stofu og eldhúsi. Hús nýviðgert og málað að utan
og gluggar og gler nýtt. Ein íbúð á hæð. Verð 32,9 millj.
Íbúðin verður til sýnis í dag, sunnudag, frá kl. 14-16.
Sölumaður verður á staðnum.
Verið velkomin.
FASTEIGNA-
MARKAÐURINN
ÓÐINSGÖTU 4, SÍMI 570 4500, FAX 570 4505.
OPIÐ VIRKA DAGA KL. 9–17.
Netfang: fastmark@fastmark.is
Heimasíða: http://www.fastmark.is/.
Jón Guðmundsson, sölustjóri og lögg. fasteignasali.
Guðmundur Th. Jónsson, lögg. fasteignasali.
• SÝNINGARÍBÚÐ í Norðurbakka 25a íbúð 202.
• Fasteignasalar frá Eignamiðlun verða á staðnum.
• Glæsilegar íbúðir á frábærum stað við sjávarsíðuna með einstöku útsýni.
• Húsið er teiknað af Birni Ólafs.
NORÐURBAKKI 23-25 – HAFNARFIRÐI
OPIÐ HÚS Í DAG SUNNUDAG KL. 13-15
Sverrir Kristinsson, löggiltur fasteignasali.
OPIÐ HÚS Í DAG SUNNUDAG
vegir sem liggja að miðsvæðinu
eru ekki byggðir niður á fast held-
ur fljóta í mýri og telja fagmenn
að þeir geti látið undan við vænt-
anlegar framkvæmdirnar. Þeir
standast ekki heldur kröfur í um-
hverfismálum en mengað ofanvatn
rennur af vegunum.
e) Stytting Breiðumýrar felur í
sér ýmsa kosti og mun ekki skapa
vandræði eins og haldið er fram.
Nýr skólavegur og aðalgata munu
anna vel umferð að skólasvæðinu
og göturnar verða hannaðar með
umferðaröryggi gangandi vegfar-
enda í huga. Breiðamýrin eins og
hún er í dag, er slæm umferð-
artenging við skóla en gatan ligg-
ur um þétta fjölbýlishúsabyggð,
milli tveggja leikskóla. Breiðumýr-
inni var aldrei ætlað að þvera
hringveginn til frambúðar eins og
nú er.
f) Enginn vegur er á skólalóð
heldur er þvert á móti gerð tillaga
um að færa bílaumferð og bíla-
stæði af skólalóð. Nýr skólavegur
að svæðinu er hannaður fyrir
hæga umferð og reynt á besta hátt
að tryggja öryggi gangandi veg-
farenda.
Vönduð hönnun og
undirbúningur
Fullyrðingar um kostn-
aðaróreiðu við hönnunina eru
rangar en stækkað umfang verks-
ins hefur að sjálfsögðu leitt til
kostnaðarauka. Kostnaður er í
samræmi við samninga við hönn-
uði sem hafa unnið gott verk.
Undirbúningur og fagleg úrvinnsla
er meiri en áður hefur þekkst á
Álftanesi, t.d. er unnin umferð-
arskýrsla, umhverfiskýrsla, rann-
sókn gerð á, hljóðvist, víðtækari
grunnvatnsrannsóknir gerðar og
reiknað út skuggavarp við að-
algötu og skólasvæði. Engar rann-
sóknir af þessu tagi voru gerðar
2005 og 2006 þegar D-listinn vann
að deiliskipulagningu miðsvæð-
isins. Skiplagsskilmálar eru líka
óvenju víðtækir eins og fyrr er
getið. Kostnaður við hönnun og
undirbúning verður vissulega mik-
ill, en Guðmundur kann ekki að
meta vandaðan undirbúning.
Eins og hér hefur verið rakið
stendur ekki steinn yfir steini í
áramótagrein hvað varðar skipu-
lagsmálin. Vonandi linnir áróðri af
þessu tagi því mikilvægt er að
skapa samstöðu meðal íbúanna um
uppbyggingu miðsvæðisins, en
uppbyggingin þarf að bæta gott
mannlíf á Álftanesi og treysta
fjárhag bæjarsjóðs.
» Það kom í hlut nýsmeirihluta Á-lista
eftir kosningar að leita
sátta um uppbyggingu
miðsvæðisins. Ný tillaga
er nefnd grænn mið-
bær.
Höfundur er bæjarstjóri á Álftanesi.
„SÍMINN hefur áhrif á líf lands-
manna á degi hverjum og er talinn
eitt traustasta fyrirtæki landsins.
Síminn hefur það að markmiði að
koma á tryggara sambandi við við-
skiptavini sína með því
að uppfylla þarfir
þeirra. Í því felst að
fræða viðskiptavinina,
leiðbeina þeim og veita
þeim ráðgjöf. Síminn
aðstoðar viðskiptavini
með þeim hætti að
vörur og þjónusta fyr-
irtækisins nýtist þeim
sem allra best og eru
nýjustu lausnir á sviði
talsíma, farsíma og
gagnaflutnings sem og
einstaklingsmiðaðar
lausnir ávallt í for-
grunni. Síminn er í ein-
stakri aðstöðu til að bjóða við-
skiptavinum sínum kosti sem veita
ánægju í daglegu lífi, leik og starfi, en
um það snýst staðsetning Símans á
markaði – að auðga líf viðskiptavina
sinna.“
Þennan ágæta texta tók ég af vef
Símans. Það er ekkert út á þennan
texta að setja, nema að hann er í
hrópandi mótsögn við raunveruleik-
ann og þá þjónustu sem Síminn veit-
ir, ef þjónustu skyldi kalla.
„Uppfylla þarfir þeirra.“ Hverra?
Ég kemst ekki hjá því að spyrja, ekki
ég hef reynslu af því að Síminn upp-
fylli þarfir mínar á sviði síma og
gagnaflutnings.
Ég bý við skerta þjónustu Símans
á landsbyggðinni. Heimili mitt er
prestssetur og þar er einnig opinber
skrifstofa sóknarprestsembættisins
sem ég er í forsvari fyrir. Nettenging
prestssetursins er ISDN-tenging
sem ég greiði 62 sinnum hærra verði
pr. bita gagnaflutnings en ADSL-
notandi þarf að greiða. Stofnkostn-
aðurinn var yfirgengilegur. Auk þess
bý ég við 100 sinnum lakara gagna-
flutningssamband en ADSL-
notandinn. ISDN-ið hefur reyndar
ekki virkað síðan upp úr miðjum
október og notast hefur verið við þá
forneskjulegu aðferð: 56 kb/s upp-
hringisamband, með miklum kostn-
aði og óþægindum.
Öllu verra er að viðgerðarmað-
urinn frá Símanum sem óskað var
eftir í nóvember virkar ekki heldur.
Þegar innt er eftir óvirka viðgerð-
armanninum bendir Síminn á und-
irverktaka sinn Mílu og Míla bendir á
undirverktaka sinn Rafholt og þann-
ig firra allir sig ábyrgð með því að
benda hver á annan.
Það eina sem Síminn
uppfyllir samvisku-
samlega er að senda
mér reikninga.
„Síminn aðstoðar við-
skiptavini með þeim
hætti að vörur og þjón-
usta fyrirtækisins nýt-
ist þeim sem allra best
og eru nýjustu lausnir á
sviði talsíma, farsíma
og gagnaflutnings sem
og einstaklingsmiðaðar
lausnir ávallt í for-
grunni.“ Þvílík opinber-
un var þetta og gleði-
straumur fór um mig alla, en svo
mundi ég eftir því að ég bý við skerta
þjónustu. Musteri Símans þjónustar
alla vel nema fáfróðan og illa gefinn
sveitavarginn.
Ég get ekki fengið ADSL, það dríf-
ur víst ekki hingað, en ef ég ek fimm
kílómetra inn fjörðinn að eyðibýlinu
Brimnesgerði get ég setið í bílnum og
tengst netinu þráðlaust. Fimm kíló-
metrar, það er allt og sumt, og það
eru þrír bæir á milli mín og Brimnes-
gerðis.
Hér er ekki GSM-samband.
Reyndar er einn punktur í stofu-
glugganum á Vattarnesi, sem er
næsti bær, en það er hálfvandræða-
legt að þurfa alltaf að vaða beint inn í
stofu þar til að stilla símanum upp.
Starfsins vegna verð ég að vera í
símasambandi. Þegar gestkvæmt er
þar á bæ er heill haugur af símum í
glugganum.
Þetta væri ekki svona svekkjandi
ef ekki væri Grænanípa sunnan við
fjörðinn og mastrið sem þar stendur.
Mastrið væri hægt að nota til að
koma GSM-sambandi á hér og stór-
lega fækka ef ekki eyða dauðum
punktum annars staðar.
Rökin gegn því eru: Það svarar
ekki kostnaði. En hvaða kostnað er
hér um að ræða? Lítum aðeins á
fórnarkostnaðinn. Sem prestur sinni
ég viðkvæmum og erfiðum málum og
því skal tekið fram að eftirfarandi
dæmi er skáldað, en á sér því miður
margar fyrirmyndir í raunveruleik-
anum.
Einstaklingur sem ætlar að taka líf
sitt hringir í prest. Prestur biður við-
komandi að aðhafast ekkert og bíða
þar til hann kemur til hans og fær
viðkomandi til að vera í síma-
sambandi við sig á meðan til að halda
honum frá verknaðinum. Það er ekki
hægt hér um slóðir, þar sem GSM-
samband er ýmist ekkert eða í besta
falli slitrótt og vegalengdir miklar og
stundum erfiðar yfirferðar. Hann ek-
ur í ofboði milli vonar og ótta að sókn-
arbarn hans verði enn á lífi þegar
hann nær áfangastað. Prestur hefur
ekki leyfi til að greina frá trún-
aðarsamtölum við nágranna ein-
staklingsins til að draga úr líkum á
skelfilegum afleiðingum. Svarar það
ekki kostnaði að bjarga mannslífi?
Væri það bara eðlilegur fórnarkostn-
aður landsbyggðarinnar ef allt færi á
versta veg í dæmi sem þessu?
Staðsetning Símans á markaði
snýst um að „auðga líf viðskiptavina
sinna“. Varla teljast auðgandi fyrir líf
mitt stanslausar hringingarnar í
þjónustuver Símans og samtölin við
starfsmenn hans með misjafna þjón-
ustulund.
Síminn þjáist af landsbyggð-
arfælni þrátt fyrir þá staðreynd að
hann gegnir alþjónustuskyldu og ör-
yggishlutverki, sem þó virðist ekki
gilda á skertum þjónustusvæðum
(sem e.t.v. mest þurfa á því að halda).
Það eina sem er óskert við þjón-
ustu Símans á landsbyggðinni eru
reikningarnir. Hætt er við því að
þeim sem búa í flóttamannabúðunum
á suðvesturhorninu yrði illa brugðið
ef þeir ættu að borga slíka reikninga
fyrir þá þjónustu sem þeim þykir
sjálfsögð. Hvað þá þjónustu sem þeir
ekki fá.
Skert þjónusta
– það er Síminn
Hildur Inga Rúnarsdóttir er af-
ar ósátt við þjónustu Símans
»Um takmarkaðaþjónustu Símans við
landsbyggðina sem þó
hefur alþjónustuskyldu í
fjarskiptum að gegna á
starfssvæði sínu – öllu
landinu.
Hildur Inga Rún-
ardóttir
Höfundur er settur sóknarprestur
í Kolfreyjustaðarprestakalli.