Morgunblaðið - 03.10.2008, Qupperneq 8

8 FÖSTUDAGUR 3. OKTÓBER 2008 MORGUNBLAÐIÐ
FRÉTTIR
SAMKVÆMT 6 mánaða uppgjöri
Hafnarfjarðarbæjar, sem lagt var
fram í bæjarráði í sl. viku og tekið
til umræðu í fyrradag, er afkoma
tímabilsins fyrir fjármagnsliði já-
kvæð um tæpar 186 millj. kr. hjá A-
hluta og jákvæð um 468 millj. kr.
hjá A- og B-hluta. Afkoma eftir
fjármagnsliði hjá A-hluta er hins
vegar neikvæð um 2.335 millj. kr
og hjá A- og B-hluta um 2.992
millj.kr. en það skýrist fyrst og
fremst af gengistapi langtíma-
skulda vegna veikingar krónunar
gagnvart öðrum gjaldmiðlum.
Heildareignir samantekins árs-
reiknings A- og B-hluta voru í lok
júní 32.144 millj. kr og höfðu hækk-
að um nær 4 milljarða frá árslokum
2007. Heildarskuldir hækkuðu á
sama tíma úr 21.583 millj. kr í
28.372 millj. kr. Á tímabilinu var
tekið 3.000 milljóna kr. erlent lán
og fyrirfram innheimt gatnagerð-
argjöld hækkuðu um nær 2,3 millj.
kr á þessum tíma, en þær tekjur
eru bókfærðar sem skuldir sam-
kvæmt reikningsskilum sveitarfé-
laga.
Skuldir Hafn-
firðinga aukast
HARALDUR
Stefánsson, fyrr-
verandi slökkvi-
liðsstjóri Kefla-
víkurflugvallar,
varð þess heiðurs
aðnjótandi að
vera færður til
sætis í frægðar-
höll slökkviliðs-
manna; „The
Navy Fire and
Emergency Service Hall of Fame“.
Slökkvistjórum sem getið hafa sér
einstakan orðstír er veittur þessi
heiður til að standa vörð um árang-
ur og afrek þeirra til framtíðar og
er heiðurinn ákveðinn með kosn-
ingu starfandi slökkvistjóra í sjóher
Bandaríkjanna. Haraldur veitti við-
urkenningunni viðtöku við athöfn í
Bandaríkjunum hinn 14. ágúst sl.
Frægðarhöll
slökkviliðsins
Haraldur
Stefánsson
FRÉTTASKÝRING
Eftir Silju Björk Huldudóttur
silja@mbl.is
„OKKUR er ætlað að auka skilning
á mikilvægi góðrar hönnunar og
arkitektúrs í þjóðfélaginu og efla
hlut hönnunar, þar sem hún getur
verið veigamikill og virðisaukandi
þáttur í íslensku atvinnulífi. Í raun
snýr aðalmarkmið okkar að nýsköp-
un og því að gera hönnun að stórri
atvinnugrein á Íslandi,“ segir Halla
Helgadóttir, framkvæmdastjóri
Hönnunarmiðstöðvar Íslands.
Innt eftir því hvað einkenni ís-
lenska hönnun svarar Halla um hæl:
„Íslenska hönnunarumhverfið ein-
kennist af forvitni, bjartsýni og
dirfsku.“
Miðstöðin er nýstofnað fyrirtæki í
eigu níu félaga hönnuða og arkitekta
á Íslandi og tók hún til starfa í apríl
sl. Miðstöðin er rekin fyrir fjárfram-
lög frá menntamálaráðuneyti og iðn-
aðarráðuneyti sem nemur um 20
milljónum króna á ári. Hún er stað-
sett til bráðabirgða í Aðalstræti 10,
en vonir manna standa til að hægt
verði að finna miðstöðinni
framtíðarhúsnæði í miðborg
Reykjavíkur, hugsanlega í Zimsen-
húsinu sem nýverið var flutt að
Grófartorgi.
Hönnunarmiðstöðin hefur frá því
hún tók til starfa fyrr á árinu þegar
komið að nokkrum verkefnum í
samvinnu við aðra, þeirra á meðal
eru sýningin 8+8 Made in Hafnar-
fjörður sem og íslensk hönn-
unarsýning í Tallinn og Helsinki um
þessar mundir. Einnig hafa starfs-
menn miðstöðvarinnar, að sögn
Höllu, haft í nógu að snúast að taka
á móti og svara fyrirspurnum er-
lendra blaðamanna um íslenska
hönnuði, auk þess sem unnið hefur
verið að því að koma upp vef mið-
stöðvarinnar jafnt á íslensku sem
ensku (www.icelanddesign.is). Segir
Halla ánægjulegt að finna hversu
mikill áhugi er á íslenskri hönnun á
erlendum vettvangi. Hönnunarmið-
stöðin er þegar komin í samstarf við
fyrirtæki í Danmörku sem vinnur að
markaðssetningu á norrænni hönn-
un í Asíu, auk þess sem miðstöðin
vinnur með hollensku fyrirtæki með
það að markmiði að koma á sam-
starfi hönnuða og fyrirtækja.
Ódýr þáttur í framleiðslu vöru
„Hönnun er hlutfallslega frekar
ódýr þáttur í framleiðslu vöru miðað
við þann virðisauka sem hún getur
gefið af sér,“ segir Halla. Spurð um
þau verkefni sem framundan eru
bendir Halla á að til standi að vera
með hönnunardaga með vorinu auk
þess sem framundan sé ráðstefna á
vegum Útflutningsráðs og miðstöðv-
arinnar.
Halla tekur fram að starfsmönn-
um miðstöðvarinnar sé mikið í mun
að vinna verkefni í góðu samstarfi
við alla þá sem vinna að framgangi
hönnunar á Íslandi, s.s. listasöfnin,
háskólana, Útflutningsráð Íslands,
Nýsköpunarmiðstöð Íslands og
Samtök iðnaðarins.
Morgunblaðið/Árni Sæberg
Merki afhjúpað Dorritt Moussaieff afhenti í gær Oscari Bjarnasyni verðlaun fyrir bestu hugmynd í merkjasamkeppni Hönnunarmiðstöðvarinnar.
Forvitni, bjartsýni, dirfska
 Framkvæmdastjóri Hönnunarmiðstöðvar Íslands segir markmiðið vera að
gera hönnun að stórri atvinnugrein á Íslandi  Hönnun getur verið virðisaukandi
Alls bárust 180 tillögur í samkeppni Hönnunarmiðstöðvar Íslands meðal graf-
ískra hönnuða um nýtt merki miðstöðvarinnar.
Oscar Bjarnason hannaði vinningsmerkið sem er tilvísun í alþjóðlegt tákn fyrir
áhugaverðan stað um leið og það myndar
H sem upphafsstaf Hönnunarmiðstöðvar
og I fyrir upphafsstaf Iceland Design
Centre. Slaufan vísar auk þess skýrt í
markmið Hönnunarmiðstöðvar að vera í gróskumiklu samstarfi við þá aðila
sem vinna að framgangi hönnunar á Íslandi, auk þeirra tengsla sem mið-
stöðin hefur að markmiði að stuðla að á milli hönnuða og atvinnulífs, hönn-
uða í milli sem og tengsla út fyrir landsteinana.
Tákn tengsla og grósku
Eftir Jón Pétur Jónsson
jonpetur@mbl.is
ÞORBJÖRN Guðmundsson, fram-
kvæmdastjóri Samiðnar, furðar sig
á því hvers vegna Reykjavíkurborg,
miðað við núverandi efnhagsástand,
hafi gengið frá samningum við er-
lent verktakafyrirtæki varðandi
byggingu Sæmundarskóla í Reykja-
vík, en sama fyrirtæki átti einnig
lægsta tilboð í Norðlingaskóla.
Hann segir að þegar sé farið að
gæta samdráttar í byggingariðnaði
hér á landi. „Þetta eru verkefni sem
henta ákaflega vel íslenskum fyrir-
tækjum,“ segir
Þorbjörn.
EES-reglan
beygð
Kostnaðurinn
við bygging-
arframkvæmd-
irnar hljóða upp
á um 1.300 millj-
ónir króna hvor
skóli, en fram-
kvæmdir hefjast þegar á þessu ári.
Samkvæmt upplýsingum sem feng-
ust frá Ríkiskaupum er það regla að
verk sem kosta yfir 450 milljónir, án
virðisaukaskatts, séu boðin út á
Evrópska efnahagssvæðinu.
„Ég tel að sveitarfélög og ríki geti
svona farið fram hjá þessari reglu,
án þess að brjóta hana, með því að
brjóta verkin upp. Bjóða þau ekki
upp í einum pakka,“ segir Þorbjörn.
Hann segir þetta vekja sérstaka
athygli á sama tíma og bæði borg-
aryfirvöld og stjórnvöld hafi lýst
áhyggjum sínum af komandi vetri
vegna atvinnuástandsins. Þau hafi
látið í það skína að það þurfi jafnvel
að koma með auka-fjármuni til inn-
spýtingar til að koma í veg fyrir
mikið atvinnuleysi. „Okkur finnst
það ekki ganga upp ef stjórnvöld
ætla að vera svo heilög varðandi
svona tilboð, að þau nánast tryggi
það að þau fari bara úr landi,“ segir
Þorbjörn. Stjórnvöld ættu að nota
þetta tækifæri til að halda uppi at-
vinnustiginu og tryggja það að
verkin fari í hendur íslenskra verk-
taka, næg samkeppni sé á íslensk-
um verktakamarkaði til að tryggja
hagstætt verð.
Þorbjörn segir útlit fyrir að er-
lenda fyrirtækið, sem heitir Adakris
UAB og er litháískt, muni flytja
mannskap til Íslands, sem muni sjá
um framkvæmdina hér á landi.
Spurningum ósvarað
Þorbjörn spyr hvernig standi á
því að fyrirtæki frá Litháen geti
boðið lægra verð hér á Íslandi í
grunnskóla, þar sem Reykjavík-
urborg ákveði alla gæðastaðla.
„Hvernig stendur á því að fyrirtæki,
sem þarf að koma með allt sitt frá
útlöndum, getur boðið hér upp á
lægra verð?“
Hann segir að það hljóti að vera
launaliðurinn sem erlenda fyrir-
tækið geti spilað á, þ.e. að starfs-
mennirnir fái ekki greidd laun í
samræmi við það sem gengur og
gerist á íslenskum vinnumarkaði.
Hann segir að stjórnvöld þurfi að
gera tveggja ára áætlun og raða
verkefnum á þann tíma og leitast
við að tryggja jafnt framboð af
verkefnum. „Við sjáum ekkert ann-
að en að stór hluti bygginga- og
mannvirkjagerðar muni stoppa ef
það koma ekki ný verkefni.“
Vill að verk verði brotin upp
 Erlent verktakafyrirtæki mun reisa grunnskóla í Reykjavík  Samiðn vill tryggja það að verkefni
fari í hendur íslenskra verktaka  Segir næga samkeppni vera á íslenskum verktakamarkaði
Í HNOTSKURN
» Á síðasta ári störfuðu 14–15.000 manns hér á landi
við byggingaframkvæmdir.
»Eðlilegt ástand í bygging-ariðnaði er á bilinu 10–
11.000 segir framkvæmda-
stjóri Samiðnar. Hann óttast
að talan geti farið niður fyrir
10.000 fari allt á versta veg.
Þorbjörn
Guðmundsson
DOKTORSNEMARNIR Eydís K.
Sveinbjarnardóttir, sviðsstjóri á
geðsviði Landsspítalans, og
Jóhanna Bernharðsdóttir, lektor
við Háskóla Íslands, hlutu á dög-
unum styrk úr úr rannsóknasjóði
Ingibjargar R. Magnúsdóttur. Hvor
um sig fékk 375.000 krónur í styrk.
Rannsóknir Eydísar og Jóhönnu
eru báðar á sviði geðhjúkrunar.
Námsstyrkir
STUTT