Morgunblaðið - 10.10.2008, Síða 13
MORGUNBLAÐIÐ FÖSTUDAGUR 10. OKTÓBER 2008 13
Eftir Steinþór Guðbjartsson
steinthor@mbl.is
HJÓNIN Ómar Sigurðsson og
Sigurbjörg Eiríksdóttir settust í
helgan stein á dögunum og ætluðu
að njóta ávaxta brauðstritsins. En
skjótt skipast veður í lofti og nú er
ævisparnaður þeirra, 60 milljónir
króna í peningabréfum, í uppnámi,
„vegna framkomu starfsmanna
Landsbanka Íslands“, segir Ómar.
Fyrir margt löngu ákvað Ómar að
hætta að vinna þegar hann yrði sex-
tugur og sú stund rann upp skömmu
fyrir nýliðin mánaðamót. „Á ör-
skammri stund breytist allt saman
og ef við töpum sparnaðinum er ljóst
að ég verð að fara að leita mér aftur
að vinnu,“ segir Ómar. Hann bætir
við að sem betur fer hafi hann haldið
heilsunni, þrátt fyrir þetta áfall, en
aðra sögu sé að segja af eiginkon-
unni. „Hún hefur tekið þetta mjög
nærri sér og það hefur legið við að
hún hafi fengið taugaáfall.“
Þrýstingur frá bankanum
Tildrög málsins eru þau að Ómar
var með töluvert fé á reikningi hjá
Landsbankanum, vildi ekki taka
áhættu og var ánægður með sína
ávöxtun. „Ég hafði gert samkomulag
við útibússtjórann um ákveðin
vaxtakjör á reikningunum og var
ánægður með það auk þess sem féð
var alltaf laust. Fyrir um fjórum
mánuðum hringdi síminn. Á hinum
endanum var þjónustufulltrúinn
minn í bankanum til 20 ára. Hún til-
kynnti mér það að hún hefði verið að
skoða innistæður fjölskyldunnar og
séð að við gætum ávaxtað féð miklu
betur. Við vorum ekkert að hugsa
um breytingar og þetta var alger-
lega óumbeðið af okkar hálfu. Ég
sagðist ekki vilja taka neina áhættu
og hún svaraði því til að pen-
ingabréfin væru án allrar áhættu
enda sú leið sem flestir færu. Við
þekktum þessa konu af góðu einu
saman, trúðum henni og létum til
leiðast. Við vorum alveg róleg yfir
þessu en í ljós hefur komið að hún
sagði ósatt. Það er ósatt að það sé
engin áhætta þessu fylgjandi.“
Þrátt fyrir áfallið gaf Ómar sig
ekki og talaði við þjónustufulltrúann
og útibússtjórann. „Ég fékk engin
almennileg svör. Þjónustufulltrúinn
yppti öxlum, sagðist ekkert geta
gert í stöðunni og sér þætti þetta
leiðinlegt. Ég hafði áður lent í því að
starfsmaður bankans hafði verið að
hnýsast í reikninga mína. Þá sagði
viðkomandi útibússtjóri við mig að
það væri algerlega bannað. Ef það er
rétt var þjónustustjórinn að gera
hluti sem hún mátti ekki. Að þessu
sinni tók útibússtjórinn ekki undir
með okkur þegar við spurðum hann
hvort þær litlu skuldir sem við vær-
um með í bankanum yrðu ekki
greiddar úr peningabréfareikningi
okkar. „Ætlarðu að rukka okkur um
þessar skuldir,“ spurðum við og
svarið var: Já, svona eru reglurn-
ar“.“
Ómar segist ekki trúa því að þjón-
ustufulltrúi sinn hafi að eigin frum-
kvæði verið að skoða reikninga sína
til að finna betri ávöxtunarleiðir.
„Ég held að þessi kona hafi verið að
vinna samkvæmt skipunum annars
staðar frá, frá sínum yfirmönnum, til
þess að reyna að koma fé viðskipta-
vina á heppilegri reikning fyrir
bankann. Ég sé það eftir á, að þegar
féð var komið í þessa peningamark-
aðssjóði gat bankinn lánað sjálfum
sér og eigendum bankans úr þeim.“
Óskiljanleg trygging
Ítrekað hefur komið fram hjá
ráðamönnum þjóðarinnar að sparifé
landsmanna í bönkunum sé tryggt. Í
fyrradag sagði viðskiptaráðherra að
sparifé í peningamarkaðssjóðum
nyti ekki sömu verndar og annar
sparnaður en allra leiða yrði leitað
til að tryggja það og lágmarka skað-
ann. Hann áréttaði þetta í gær.
Ómar segir sérkennilegt að heyra
þetta núna miðað við það sem á und-
an hafi gengið. Við gjaldþrot banka
sé sparifé ekki tryggt nema að
ákveðnum hluta en ríkisstjórnin hafi
lofað að tryggja allt sparifé lands-
manna. Óskiljanlegt sé hvers vegna
peningamarkaðssjóðir séu ekki með
í þeirri tryggingu. „Ég vona að
stjórnvöld grípi inn í og gefi afdrátt-
arlaus svör um að þetta sé sparifé
eins og hvert annað sparifé og bæti
fólki þetta eins og aðra sparifjár-
reikninga,“ segir Ómar.
Lokað fyrir úttektir
Ómar segir að hann hafi ætlað að
taka út peninga á þremur ávísana-
reikningum sínum í Landsbankan-
um í fyrradag, en aðeins fengið að
taka út 500 þúsund krónur af einum
reikningi. „Hvernig stendur á því?“
spurði ég. „Það eru bara ekki til
peningar,“ var svarið.“
Óttast um 60 milljóna sparnað
Viðskiptavinur Landsbankans í nær fjóra áratugi segir að starfsmenn hafi sagt ósatt um peningabréf
Morgunblaðið/Árni Sæberg
Óttasleginn Ómar Sigurðsson óttast um 60 milljóna króna sparnað í Landsbankanum. Hann hafi samt haldið heils-
unni þrátt fyrir áfallið en eiginkonan hafi tekið málið mjög nærri sér og verið við það að fá taugaáfall.
og nauðsynlegt í öllum fyrirtækja-
rekstri að huga að sparnaði og að-
haldsaðgerðum í rekstri, en í raun
geri ég ekki ráð fyrir öðru en við
höldum okkar útibúaneti óbreyttu.
Enda er það markmið og verkefni
þessa nýja banka að þjónusta fyrst
og fremst þá viðskiptavini sem eru
viðskiptavinir útibúakerfis okkar.“
Vill stýrivaxtalækkun strax
Spurð hver afstaða hennar sé til
hinna háu stýrivaxta sem í landinu
gilda segir Elín það ekkert launung-
armál að hún myndu vilja sjá stýri-
vaxtalækkun strax, þótt hún vilji
ekki nefna neina ákveðna tölu í því
samhengi. „Auðvitað á að lækka
stýrivexti eins fljótt og auðið er, því
það skiptir svo miklu máli fyrir
rekstur fyrirtækjanna.“
Elín er viðskiptafræðingur að
mennt. Hún var ráðin í hagdeild
Búnaðarbankans í febrúar 1979.
Hún tók við starfi í endurskoð-
unardeild bankans í júní 1985 og var
síðan ráðin forstöðumaður hag-
deildar í mars 1994. Hún gegndi því
starfi þar til hún tók við starfi for-
stöðumanns á fyrirtækjasviði, var
síðar gerð að aðstoðarfram-
kvæmdastjóra þess sviðs og í febr-
úar 2003 tók hún við stöðu fram-
kvæmdastjóra fyrirtækjasviðs.
Eftir Guðrúnu Hálfdánardóttur
og Silju Björk Huldudóttur
„ÞETTA er verkefni sem verður
spennandi að takast á við. Hins veg-
ar er því ekki að leyna að það hefði
óneitanlega verið
skemmtilegra að
taka við svona
starfi undir öðru-
vísi aðstæðum, en
þessar erfiðu og
flóknu aðstæður
eru uppi núna og
þá verður bara að
takast á við þær,“
segir Elín Sigfús-
dóttir, en tilkynnt
var í gær að hún hefði verið ráðin
bankastjóri Nýs Landsbanka Ís-
lands hf. Hún er þar með fyrst
kvenna til að stýra íslenskum við-
skiptabanka.
Spurð hvort ekki sé erfitt að láta
það þurfa að vera sitt fyrsta verk við
stjórnvöl bankans að segja þriðjungi
starfsfólksins upp svarar Elín því til
að hún verði einfaldlega að sníða
hinum nýja viðskiptabanka stakk
eftir vexti. Spurð hvort hún sjái fyrir
sér einhverjar breytingar á starf-
semi útibúa Landsbankans úti um
land svarar Elín því neitandi. „Á
tímum eins og núna er bæði eðlilegt
Þegar Elín settist í framkvæmda-
stjórn Búnaðarbankans í febrúar
2003 var hún fyrsta konan sem sett-
ist í framkvæmdastjórn bankans.
Elín var kjörin í bankaráð Bún-
aðarbankans árið 1999 og sat í
bankaráði bankans um fjögurra ára
skeið. Fyrst sem fulltrúi starfs-
manna en þegar bankinn var keypt-
ur af S-hópnum svonefnda árið 2003
var hún kjörin í bankaráðið fyrir
hönd nýrra eigenda. Á vormánuðum
2003 réð Elín sig til Landsbanka Ís-
lands og hefur gegnt starfi fram-
kvæmdastjóra fyrirtækjasviðs þar
til hún nú var gerð að bankastjóra.
Spennandi og krefjandi
verkefni að takast á við
Í HNOTSKURN
»Elín Sigfúsdóttir er fæddþann 24. ágúst 1955.
»Hún er stúdent fráMenntaskólanum við
Tjörnina árið 1974 og við-
skiptafræðingur frá Háskóla
Íslands árið 1979.
»Elín hóf störf hjá Bún-aðarbanka Íslands sama ár
og vann þar til 2003 er hún réð
sig til Landsbankans.
Elín Sigfúsdóttir
Ómar Sigurðsson segist vera
ánægður með inngrip stjórnvalda í
bankamálunum, en nokkrir ein-
staklingar hafi sett landið á haus-
inn í skjóli forsetans.
„Það varð að stöðva þessa vit-
leysu,“ segir Ómar og bætir við að
Geir H. Haarde forsætisráðherra
hafi sýnt úr hverju hann sé gerður.
„Betri mann hefði ekki verið hægt
að fá í þetta,“ segir hann. „Hann
og Björgvin G. Sigurðsson við-
skiptaráðherra vinna mjög vel
saman að þessum málum og reyna
að gera sitt besta. Þeir eiga hrós
skilið og það er ekki þeim að
kenna að ástandið er svona.“
Ómar segir að nokkrir ein-
staklingar hafi sett landið á haus-
inn. „Upphafið að því, þegar Ís-
lendingar töldu að þeir þurftu að
eiga aðra hverja verslun við Oxford
Street í London og allar flottustu
byggingarnar í Kaupmannahöfn
má rekja til þess að forsetinn neit-
aði að skrifa undir fjölmiðlalögin.
Síðan hafa þessir um 20 útrásar-
guttar, sem hafa sett þjóðina á
hausinn, notið verndar forsetans,“
segir hann.
Ánægður með stjórnvöld en ekki forseta
Málstofa á vegum Kvennakirkjunnar.
Haldin í Kvennagarði, Laugvegi 59. 4. hæð,
laugardaginn 11. október kl. 13 – 15.
Kl. 12 Sameiginleg máltíð í Kvennagarði fyrir þau sem vilja.
Kl. 13 Karin Danielsson frá Stokkhólmi segir frá mastersrannsókn
sinni sem hún byggði á viðtölum við konur í Kvennakirkjunni
um áhrif þess að tala um Guð sem vinkonu.
Kl. 14 Séra Auður Eir Vilhjálmsdóttir fjallar um kvenmynd Guðs.
Umræður verða að loknu hvoru erindi um sig. Í lokin verður
boðið upp á kaffi og áframhaldandi spjall.
Málþingið er öllum opið.
Þau sem vilja taka þátt í
sameiginlegri máltíð í
upphafi, vinsamlega
látið vita í netfangið:
kvennakirkjan@kvennakirkjan.is eða í síma 551 3934.
„Hún er vinkona mín“
Kvenmynd Guðs og áhrif hennar á sjálfsmynd kvenna