Skinfaxi - 01.07.1926, Qupperneq 3

SKINFAXI
51
Brott er fólksfjandi,
— finst oss vorandi
svífa yfir sandi
sæll á ljósgandi. —
Víst er þó vandi,
ef verjast skal grandi,
stofninn svo standi
í stjórnfrjálsu landi.
Hljóðs bið ég bygðir, —
bið um þegndygðir,
bið um barnstrygðir,
bið um samhygðir.
Aldrei féll niður
íslands fjörviður.
Enn vernda vættir
vígðar háættir.
Hljóðs bið ég bræður,
bragþjónn stirðkvæður,
—• opna ásskræður
við aringlæður. —
Nú skal hátt hefja
hryn fornra stefja,
og til stórstarfa
stefna goðarfa.
Nú skal vorveldi
vekja und bláfeldi,
storka ís og eldi
að efsta kveldi. —
Nú skal afl andans,
inst í sál landans,
storka djöfli og dauða
við dagsbrún rauða.