Skinfaxi - 01.07.1926, Qupperneq 42

90
SKINFAXI
seítla, sem líður hægt og hljóðlaust ofan í dimmsvart
gljúfrið, þögult og þungbúið. Langspilið er brotið, aflið
er fjötrað. Áin er leidd eftir jarðgöngum, sem eru
sprengd út í fjallshlíðina og eru þau 4,3 km. á lengd
og 27 m2 í þvermál. Göngin enda í stórri skál, sem er
1000 m2 og 15 m. á dýpt. Frá þessari skál liggja mörg
stór rör niður að aflstöðinni. Aflstöðvarhúsið er 150
m. á lengd. parna eru 150 þúsund hestöfl að verki og
framleiða þau nálægt 1 Vo, milj. tunnur af saltpétri yfir
árið, 4000 tunnur á dag. Rjúkan er látinn vinna dag
og nótt, en verkafólkið hefir 8 klst. vinnutima. Bærinn
Rjúkan hefir mest vaxið síðan 1905 og eru þar nú
um 9000 ibúar, þar af vinna 1600 menn við „Norsk
Hydro“. Bærinn er snyrtilegur. Við húsin eru dálitlir
l)lómgarðar, sem fólk hlúir vel að í tómstundum sín-
um. Eins og vænta má, er rafmagn notað svo frekt, sem
unt er, og gerir það heimilin vistlegri og betri. Á vetr-
um er Rjúkan sagður sannarlegur undrabær, þá er eins
og fjölstirndur himinn hafi hrapað ofan yfir dalinn, svo
er ljósadýrðin mikil. í bænum eru starfandi íþróttafé-
lög og ungmennafél. og gengust þau fyrir glímusýn-
ingunni þar.
Árla dags 17. júní kvöddum við Rjúkanbygðina,
trölladalinn, þar sem risahendur starfa ötullega, stjórn-
að af djúpvisku og framtaksþrá. Hér hefir mannsand-
inn unnið stóra sigra og séð drauma rætast. En þessi
raunveruleiki liefir kostað of fjár, slit og strit, sveita
og sár og mörg mannslíf. Slíkt heimta oft stórir sigrar.
Fórum vér nú með lestinni sömu leið og vér kom-
um, alla leið til Skien. Voru þar komnir til móts við
oss Jón og Viggó. Var Jón heill heilsu, en Viggó átti
erfitt með að leyna heltinni, þó hjó eflaust sú skapgerð
í honum, að „eigi skal haltur ganga, meðan háðir fætur
eru jafnlangir.“
í Skien fengum vér hinar bestu viðtökur, var það