Sjómannablaðið Víkingur - 01.12.1999, Side 6

Sjónvarpssendingar
til sjómanna kosta aðeins
60-80 milljónir
Kostnaður við samsendingar sjónvarps- og útvarpsdag-
skrár um gervitungl sem sjómenn á hafi úti gætu nýtt sér er
talinn vera á bilinu 60-80 milljónir króna á ári. Við þessa upp-
hæð bætist stofnkostnaður jarðstöðvar til sendingar dagskrár
til gervitunglsins, um 10 milljónir, og árlegur rekstrarkostnaður
hennar. Björn Bjarnason menntamálaráðherra fól Ríkisútvarp-
inu að vinna nánari úttekt á þessu máli og samkvæmt upp-
lýsingum sem blaðið hefur aflað sér ættu niðurstöður hennar
að liggja fyrir nú um áramótin.
Sjómenn þurfa að sæta því að missa útsendingar sjón-
varps skömmu eftir að lagt er úr höfn. Nokkur íslensk skip eru
búin sérstökum móttökubúnaði sem ná erlendu sjónvarps-
og útvarpsefni. Fullkominn móttökubúnaður er talinn kosta
um tvær milljónir króna en nýtist ekki til móttöku á innlendu
efni þar sem það er ekki sent um gervitungl. Samkvæmt
heimildum Sjómannablaðsins Víkings eru engin tæknileg
vandkvæði á því að taka upp slíkar sendingar sem ekki að-
eins næðust á hafi úti heldur einnig í nágrannalöndum. Hins
vegar telur Ríkisútvarpið sig ekki hafa neitt fé handbært til að
greiða kostnað við sendingar um gervihnött. Á sama tíma er
þó rætt um að koma upp annarri rás fyrir Ríkissjónvarpið sem
þó næðist aðeins á suðvesturhorni landsins, að minnsta kosti
fyrst í stað.
Snemma á þessu ári þar Guðjón Guðmundsson fram fyrir-
spurn á Alþingi um kostnað við að dreifa sjónvarps- og út-
varpsefni um gervihnött til fiskimiða umhverfis landið. í svari
menntamálaráðherra komu fram þær upphæðir sem að fram-
an greinir. ( svari sínu sagði ráðherra meðal annars:
„Ég tel þessar tölur sem ég hef hér lesið og þær hugmyndir
sem menn hafa nú um hlutverk gervitungla við miðlun á sjón-
varpsefni þess eðlis að þennan kost beri að skoða af fullri al-
vöru. Raunar hef ég beint því erindi til útvarpsstjóra og Ríkis-
útvarpsins að vinna verði sett í að skoða þetta mál nánar. Ef
það kosti á bilinu 60-80 milljónir króna á ári að senda út sjón-
varps- og útvarpsdagskrár héðan frá islandi um gervitungl þá
er það miðlunarleið sem skoða þer af mikilli alvöru. Auk þess
er Ijóst að kostnaður við slíkar sendingar mun væntanlega
frekar lækka en hækka.“ ■
6
Sjómannablaðið víkingur