Sjómannablaðið Víkingur - 01.12.1999, Blaðsíða 23
sem brotið er á, fá lögbann á aðgerðir til hjálpar þessum sjó-
mönnum verður ísland ákjósanlegur kostur til að yfirgefa skip
og áhafnir.
Ný drottning
Nú er að draga til tíðinda í breska kaupskipastólnum þar
sem Cunard, eigandi Queen Elisabeth II, hefur tekið ákvörðun
um smíði á nýju skemmtiferðaskipi undir verkefnisnafninu
Queen Mary. Gert er ráð fyrir að skipið verði tilbúið til afhend-
ingar eigi síðar en árið 2003 en það á að vera 335 metrar á
lengd. Skipið á að líkjast gömlu hefðbundnu farþegaskipun-
um sem klufu öldur Atlantshafsins fyrir komu skemmtiferða-
skipanna og taka 2500 farþega. Gert er ráð fyrir að smíðin
verði boðin út meðal fjögurra evrópskra skipasmíðastöðva og
er gert ráð fyrir að kostnaðurinn verði á bilinu 5-600 milljónir
dollara. Nýja drottningin verður um 110 þúsund tonn að
stærð og hraðinn áætlaður 30 hnútar.
Ánægðir sjdmenn að íosna úr þriggja ára prísund.
Til sölu
Hreinsanir
Það eru fleiri þjóðir að taka til í ruslakistum sínum því
Hondúras hefur afskráð 750 skip af skipaskrá sinni. Þetta er
talið merki um að yfirvöld þar í landi ætli sér að bæta ímynd
þjóðfánans á heimshöfunum því nú fer samkeppni harðnandi
um útgerðir sem eiga einhverja peninga til að greiða sín gjöld.
Ólæti um borð
Skipstjóri á risaolíuskipi (ULCC) var tilneyddur að kalla á
lögreglu og læknislið um borð í skip sitt sem var á siglingu í
Norðursjó. Um borð höfðu brotist út innbyrðis slagsmál á milli
filippínskra skipverja sem vopnaðir voru hnífum. Hjálpin barst
með þyrlum og tókst að róa til friðar um borð en þá voru
nokkrir þegar orðnir sárir eftir hnífsstungur. Voru þeir fluttir í
land undir lögreglueftirliti. Ekki fer sögum af því hvað olli
þessum látum um borð en Ijóst má vera að erfitt getur verið
að stöðva illvígar deilur þegar vopn eru höfð undir höndum.
Nú er skip ITF, Global Mariner, um það bil að Ijúka heims-
siglingu sinni en eins og kunnugt er hafði skipið fyrstu við-
komu sína utan Bretlandseyja í Reykjavík. Alltaf hefur staðið
til að skipið yrði selt að heimssiglingunni lokinni en eitt er víst
að kaupandinn verður ekki frá neinu hentifánaríki því þeir
koma ekki til greina sem kaupendur að sögn ITF. Þegar hafa
yfir 600 þúsund manns komið á sýningu þá sem skipið hýsir.
Smælki
Erfingi grísku útgerðarinnar Niarchos, Constantine Ni-
archos, lifði of hátt í vellystingum því hann lést af völdum of-
notkunar eiturlyfja í London nýlega. Hann var einungis 37 ára
gamall. - (sraelskt herskip stöðvaði nýlega skip undan suður-
strönd Líbanons sem var með 73 farþega um borð en enga
áhöfn. Farþegarnir, 70 karlmenn og þrjár konur voru af sex
þjóðernum og var enn eitt skipið sem finnst án áhafnar og á
leið til Ítalíu eða Grikklands. — Ekki hefur verið smíðað olíu-
skip yfir 320 þúsund tonn síðan árið 1984 en þessi skipa-
stærð er flokkuð sem ULCC.
Sjómannablaðið Víkingur
23