Sjómannablaðið Víkingur - 01.12.1999, Blaðsíða 48
Friðbjörn Kristjánsson
bryti
Mönnum veitti
ekki af góðum mat
Það var árið 1955 sem ég fór (ýrst til sjós. Þá um sumarið dóu
mamma og amma í sömu vikunni og ég var hálfráðvilltur. Frændi
minni, sem hafði lengi verið skipstjóri hjá Eimskip, tók mig til
sín um borð í Detdfoss, sem var einn þríburanna. Þar var ég há-
setamessi. Svo fór ég einn túr á gamla Wilemoes eða Selfossi eins
og hann hét þá. Við sigldum til Leith, Hamborgar, Rotterdam og
Dublin. Það var heilt ævintýri. Þetta var síðasta ferðin sem hann
sigldi út og heim aftur áður en hann var seldur í brotajárn. Wile-
moes var kolakyntur og ég svaf hjá kyndurunum og þeir borðuðu
í svefnsalnum. Ég braut saman fötin mín áður en ég fór að sofa
en þegar kyndararnir komu dauðþreyttir af vaktinni settust þeir
ofan á fötin sem urðu eins og öskuhaugur. Ég vaskaði upp í
búrinu sem var pínulítið skot. Fyrst fór ég með fötu fram í eldhús
og pumpaði vatni í hana. Sfðan út á dekk og framfyrir brúna og
þar þurfti ég að stíma vatnið til að fá hita í það. Þetta er
ógleymanlegt.
Árið 1958 fór ég að læra kokkinn hjá Ragnari Guðlaugssyni
sem átti Skálann og kláraði námið á Borginni en var þó alltaf með
annan fótinn hjá Eimskip. Eftir að námi lauk fór ég nokkra túra
á Gullfossi en sumarið 1962 var ég á Heklunni. Þegar Hótel Saga
var opnuð starfaði ég þar í þrjú ár. Síðan fór ég til Kaupmanna-
hafnar og var á SAS Royal til að læra enn meira. Ég byrjaði svo
aftur hjá Eimskip 1970 og var þar sleitulaust til 1990. Þá missti
ég dóttur mína úr hvítblæði og fór í land. Ég starfaði nokkur ár
hjá Hagkaup í Kringlunni og sá meðal annars um kjötborðið þar.
32 í áhöfn
Ég var á mörgum skipum hjá Eimskip, til dæmis lengi á Brúar-
fossi sem var eina alvöruskipið sem Eimskip átti. Þá voru 32 í
áhöfn. Má nefna að tíu voru á dekki, fjórir vélstjórar, þrír að-
stoðarvélstjóra, þrír dagmenn í vél, bryti, kokkur, 2. kokkur og
þrjár þernur.
-Og alltaf beikon og egg í morgunmat?
Það var alltaf beicon og egg á miðvikudögum og sunnudögum.
Það mátti ekki klikka.
-í hverju fólst aðalstarf brytans á skipi með svona fjölmenna
áhöfn?
Hann sá um innkaup á allri matvöru, afgreiddi vínið, skrifaði
Fridbjörn
Kristjánsson
starfaði lengi sem bryti
á skipum Eimskips.
Nú vinnur hann á
Bílasölunni Evrópa
og riíjar upp nokkrar
minningar af sjónum
í spjalli við
Sœmund Guðvinsson
48
SJÓMANNABLAÐIÐ VÍKINGUR