Sjómannablaðið Víkingur - 01.12.1999, Blaðsíða 16

nvænleg
fækkun y
stétt yfirmanna
Guðjón Petersen
framkvœmda-
stjóri Skipstjóra-
og stýrimanna-
félags Islands
kemur víða við
í viðtali við
Sœmund
Guðvinsson
Guðjón Petersen hefur tekið við starfi framkvæmdastjóra Skipstjóra- og
stýrimannafélags íslands. Hann gjörþekkir sjó og sjómennsku þótt hann sé
eflaust þekktastur fyrir starf sitt sem framkvæmdastjóri Almannavarna um
aldarfjórðungsskeið. Blaðamaður Víkingsins settist að spjalli við Guðjón og
forvitnaðist fyrst um lífshlaup hans í stórum dráttum.
-Ég er hálfdanskur. Faðir minn var danskur og kom hér í sambandi við
byggingu Korpúlfsstaðabúsins. Hann var reyndar á leiðinni lengra vestur eða
til Ameríku og ætlaði bara að hafa viðdvöl hér. En á Korpúlfsstöðum kynntist
hann móður minni og ekki varð meira úr Ameríkuferðinni og þau bjuggu síð-
an í Reykjavík til æviloka. Faðir minn hét Lauritz K. Petersen og móðir mín
Guðný Guðjónsdóttir Petersen. Ég er I miðjunni af fimm systkinum, á tvo
eldri bræður og tvær yngri systur. Ég hef alið minn aldur hér í Reykjavík fyrir
utan þau þrjú ár sem ég var bæjarstjóri á Snæfellsnesi. Ég fór þessa hefð-
bundnu skólagöngu þessa tíma, lauk gagnfræðaprófi og fór síðan til sjós hjá
Eimskip haustið 1954 og var þar alveg til 1961 að ég kláraði farmanninn, en
ég tók skólann með siglingum á Gullfossi. Árið 1961 var ég beðinn að stjórna
120 tonna námskeiðinu í Vestmannaeyjum og var með það til 1962 að ég
réðist til Landhelgisgæslunnar. Byrjaði sem þriðji stýrimaður á Ægi gamla. Ég
var óslitið hjá Gæslunni til 1971, á sjó, í flugi og I stjórnstöð. Nær alveg í flug-
deildinni frá 1966 og framundir 1970. Síðan gerist það 1970 að ísland fær
sérstaka styrkveitingu frá Sameinuðu þjóðunum til þess að endurskipuleggja
almannavarnarkerfið með hliðsjón af náttúruhamförum og stórslysum, en al-
mannavarnir í heiminum höfðu til þessa eingöngu verið miðaðar við kjarn-
orkuvá og hernaðarátök. 1968 var ég raunar settur á sérstakt námskeið í að
meta og reikna út skýlingu gegn geislun frá kjarnorkuvopnum á vegum Land-
helgisgæslunnar en Almannavarnir sáu um það námskeið sem Ágúst Valfells
verkfræðingur stýrði. 1968 og '69 var ég fenginn til að gera könnun á kjarn-
orkuheldum kjöllurum I landinu, ásamt fleirum.
-Voru slikir kjallarar til?
-Margir. Miðað við þær forsendur sem við gáfum okkur að skýlingin átti að
vera að lágmarki sú að geislun innandyra væri aðeins einn hundraðisti þess
sem væri utandyra. Miðað var við að eins megatonna kjarnorkuárás væri
gerð á Keflavíkurflugvöll og að vindur dreifði geisluvirku úrfalli um allt land.
SJÓMANNABLAÐIÐ VÍKINGUR