Náttúrufræðingurinn - 2005, Page 41

Tímarit Hins íslenska náttúrufræðifélags
1- mynd. Hettumáfurinn er miðlungi stór fugl af máfaætt og verpur við votlendi á láglendi víða um land. - The Black-headed Gidl
is a medium-sized bird of the gull family and nests widely in wetland areas in lowland Iceland. Ljósm./Photo: Sverrir Thorstensen,
12.7.2004.
Ævar Petersen og Sverrir Thorstensen
VÖKTUN HETTUMÁFS
í EYJAFIRÐI 1995-2000
Hettumáfurinn Larus ridibundus (1. mynd) er útbreiddur varpfugl á láglendi um land allt. Hann er ein af mörgum
fuglategundum sem settust að hér á landi á 20. öldinni.1 Fyrsta hreiðrið fannst árið 1910 við Stokkseyri2 og upp úr
því breiddist tegundin smám saman út. í Eyjafirði fannst fyrsta hreiðrið sumarið 1930 og hafa hettumáfar verið
þar viðloðandi síðan.3
Utbreiðsla og stærð hettumáfs-
stofnsins í Eyjafirði er skoðuð fimmta
hvert ár og er það stærsta samfellda
svæðið í landinu þar sem fugla-
tegund þessi er vöktuð með skipu-
legum hætti. Síðast var talið á ey-
firskum varpstöðum hettumáfs
sumarið 2000 en þar áður 1995 og eru
niðurstöðum beggja talninga gerð
skil í þessari grein. Vöktun hettumáfs
fer fram samlrliða vöktun stormmáfs
Larus canus4 á sama svæði.
Náttúrufræðingurinn 73 (1-2), bls. 39^16, 2005
39