Náttúrufræðingurinn - 2001, Síða 21

2. mynd. Landfrœðileg dreifing fjörudoppu (Littorina littoreaj nú um stundir.
Þríhyrningarnir tákna staði þar sem ekki er endanlega staðfest að hún hafifundist eða þar
sem hún hefur fundist en ekki náð fastri búsetu. - Recent distribution o/Littorina littorea.
The triangles mark either unverified finds or occurrences where the species has not been
able to produce established populations.
■ ÚTBREIÐSLA Á NÚTÍMA
Fjörudoppa er algeng við strendur Norður-
Atlantshafs og útbreidd í Evrópu, frá
Hvítahafi í norðri til suðurstrandar Portú-
gals (Fretter og Graham 1980, Reid 1996).
Hennar hefur jafnvel verið getið frá
Svalbarða, en þó hefur ekki fengist staðfest
að hún lifi svo norðarlega nú á dögum.
Tegundin er algeng við flestar breskar og
danskar strendur og nær inn í Eystrasalt að
Borgundarhólmi. Sunnar er skelin algeng
við Bretagneskaga og suður til Oléron-eyju
en syðstu mörk tegundarinnar virðast vera
við Algarve í Portúgal (2. mynd).
í Vestur-Atlantshafi er fjörudoppan dreifð
allt frá Belle-eyju við Nýfundnaland til
Virginíuríkis í suðri (2. mynd). Strönd
Connecticut virðist vera syðsta hentuga
búsvæði tegundarinnar, en þó kemur fyrir
að straumar flytji lirfur lengra til suðurs, allt
að New Jersey og Delmarvaskaga þar sem
dýrið hefur stundum sest að (Reid 1996).
Syðst hefur tegundin náð í Norður-Ameríku
til Wachapreague í Virginíuríki (Vermej
1982).
í Kyrrahafi hefur tegundin fundist lifandi
við vesturströnd Norður-Ameríku, í Puget-
sundi við Washington og í San Francisco-
flóa og Trinidadflóa í Kaliforníu (Carlton
99