Náttúrufræðingurinn - 2001, Side 54

■ ÖNNUR ÚTGÁFA FLÓRU
ÍSLANDS
Þótt Flóra Islands væri uppseld þegar
Plöntumar komu út dróst að hún yrði gefin
út aftur og olli hér enn heilsubrestur
höfundarins ásamt embættisönnum, einkum
skólastjóm. Ný útgáfa af Plöntunum kom þó
út 1920, mjög lítið breytt. Um líkt leyti var
handritið að annarri útgáfu Flóru einnig
tilbúið frá hendi Stefáns, tiltölulega lítið
breytt frá 1. útgáfu. Þó var þar gerð grein
fyrir öllum fíflum og undaffflum, sem var ekki
í 1. útgáfu; aðrar breytingar voru smá-
vægilegar. En handritið fékkst ekki gefið út
strax sökum dýrtíðar og þar við sat þegar
Stefán Stefánsson lést 20. janúar 1921,
farinn að heilsu. Honum veittist ekki sú
ánægja að sjá báðar sínar merku bækur
gefnar út öðru sinni.
Þremur árum eftir lát Stefáns, árið 1924,
kom loks út önnur útgáfa Flóru íslands.
Valtýr sonur hans gekk frá henni til
prentunar og ritaði formála hennar. Þetta
verk er höfundi sínum einstæður og
óbrotgjarn minnisvarði og nú finnst okkur
jafnvel ótrúlegt að fræðiorð og plöntunöfn
Stefáns skuli ekki jafngömul málinu.
Framangreint erindi um Flóru íslands var
flutt á þegar aldarafmælis Flóru var minnst á
sal Menntaskólans á Akureyri þann 28.
desember 2000.
PÓSTFANG HÖFUNDAR
Eyþór Einarsson
Náttúrufræðistofnun íslands
Pósthólf 5320
125 Reykjavík
eythor@ni.is
132