Náttúrufræðingurinn - 2001, Qupperneq 86

numið land og breiðst yfir algróin svæði
með lágvöxnum mólendisgróðri þar sem hún
gerbreytir gróðurfari," segja höfundarnir
Borgþór Magnússon, Sigurður H. Magnús-
son og Bjarni Diðrik Sigurðsson í áður-
nefndri ritgerð (4. mynd). „Köfnunarefnis-
binding, ör vöxtur, stærð og breiðumyndun
eru allt eiginleikar sem gera henni þetta
kleift. Víðáttumikil svæði hér á landi standa
lúpínunni opin berist hún inn á þau ...
Niðurstöðurnar benda til að við land-
græðslu með lúpínu þurfi að sýna mikla
aðgát.“
Þessu til viðbótar bendi ég lesendum á
fróðlega grein eftir Sturlu Friðriksson sem
birtist í Sunnudagsblaði Morgunblaðsins
10. júní 2001 undir heitinu Lúpínustríð. Þar
lýsir þessi virti vísindamaður reynslu sinni
af glímu við lúpínu um langt skeið á
friðuðum skika í Borgarfirði vestra.
Útbreiðsla lúpínu getur gerst mjög hratt
eftir að plantan hefur komið sér vel fyrir.
Engan tíma má missa vilji menn bregðast við
annars auðsæjum ófarnaði. Verði ekki að
gert stefnir í að land bláni af lúpínu ár hvert í
stað berja.
Pöstfang/Netfang/Heimasíða
HÖFUNDAR
Hjörleifur Guttormsson
Mýrargötu 37
740 Neskaupstaður
hjorleifur@eldhom.is
http://www.eldhom.is/hjorleifur
164