Náttúrufræðingurinn - 2002, Síða 77

var þar ekki í kot vísað. Áfangi var á
grundunum við Gilsá en þaðan ekið upp
Efra-Dal og Hrafnkelsdal að Aðalbóli, þar
sem tekið var hádegishlé kl. 12-13 í
góðviðrinu á gróandinni. Þaðan var snúið
aftur ofan um Brú, inn Fiskidalsháls og
Skógaháls inn að gljúfrum gegnt Fremri-
Kárahnjúki. Helgi Hallgrímsson náttúru-
fræðingur telur að gljúfrin muni heita Hafra-
hvammagljúfur eftir hvömmunum vestan ár,
inn á móts við Ytri-Kárahnjúk, og svo nefna
Brúarmenn þau, en þröngskornu gljúfrin
þaðan inn úr muni heita Dimmugljúfur, og
svo nefna Vaðbrekku- og Aðalbólsmenn
þau. Ovíst er hvort gljúfrin hafi í heild sinni
nokkurt eitt heiti. Staldrað var við gljúfrin kl.
15-16'/2, gengið með þeim og litið ájarðgerð
þeirra, litið inn til hjallanna í Hálsi, gægst á
gróður og fjallað um virkjunaráform, auk
kaffihlés. Svo var ekið út Skógaháls og
Jökuldalsheiði með viðkomu og staðar-
skoðun í Sænautaseli kl. 18V2—19, en
komið var í gististaði um kl. 20 um kvöldið.
Flestir tóku svo þátt í sameiginlegum
kvöldverði á Hótel Svartaskógi um
kvöldið. Veður var gott um daginn og fór
þó batnandi eftir því sem á leið, norðan-
norðvestan kæla og skýjað um morgun-
inn, en sólfar inn frá og einnig hið ytra um
kvöldið, hiti 7-12°C, þurrt og skyggni
gott, einkum síðdegis.
Sunnudaginn, 25. júlí, var lagt upp um kl.
11 frá Brúarási, ekið á Egilsstaði, þar sem
hafður var áfangi og svo inn Velli og
Skriðdal, þar sem smáhlé var í góðviðrinu.
Hluti ferðarinnar fór svo um Breiðdal en
annar yfir Öxi ofan í Berufjörð, en öll ferðin
kom svo saman til hádegishlés á Djúpavogi.
Þaðan var haldið rakleiðis suður, með
áföngum á Höfn og í Framnesi í Öræfum, þar
sem tekið var kaffihlé, Vík og Hvolsvelli, en
suður til Reykjavíkur var komið um kl. 23.
Veður var hið blíðasta austanlands, hæg
norðanátt, hiti 12-17°C, bjartviðri og þurrt,
en suðvestan gola og 10°C sunnanlands og
þoka úr Vík og til Reykjavíkur.
Ferðin var kveðjuferð Guttorms Sig-
bjamarsonar sem framkvæmdastjóra HÍN og
hlaut hún einróma lof þátttakenda, ekki síst
fyrir framlag leiðsögumanna fyrir austan.
■ ÚTGÁFA
Út komu 3. og 4. hefti 68. árgangs og 1. og 2.
hefti 69. árgangs Náttúrufræðingsins.
■ ÖNNUR SÝSLAN
Stjórn HÍN fjallaði um frumvarp til laga um
raforkuver (febrúar), um frumvarp til laga um
náttúruvernd (mars). Enn fremur var land-
græðslunefnd send greinargerð með at-
hugasemdum um áfangaskýrslu hennar „I
sátt við landið“ (apríl).
251