Náttúrufræðingurinn

Árgangur

Náttúrufræðingurinn - 01.03.1973, Blaðsíða 8

Náttúrufræðingurinn - 01.03.1973, Blaðsíða 8
152 NATTURUFRÆÐINGURINN þeirri grein, en hún birtist í þessu hefti Náttúrufræðingsins hálf- unnin af hans hálfu og búin til prentunar af Jóni Jónssyni og undir- rituðum. Ekki er að efa, að hefði Guðmundi enzt aldur, myndi sú grein hafa verið betur unnin. Um berghlaupið mikla, sem féll á Steinholtsjökul 15. jan. 1967 ritaði Guðmundur ágætar greinar, og sýna athuganir hans þar og ritgerðirnar, sem hann skrifaði um þetta, hversu vandvirkur hann var og athugull. Árið 1955 urðu þáttaskil í ævi Guðmundar Kjartanssonar sem jarðfræðings, er hann var ráðinn að Náttúrugripasafninu til að gera jarðfræðikort af landinu í mælikvarða 1:250.000. Eftir þetta gat hann helgað sig jarðfræðirannsóknum einvörðungu, þótt auðvitað yrði hann að sinna ýmsum aukastörfum, svo sem verið hefur um flesta íslenzka náttúrufræðinga. Kortablöðin eiga að vera 9 og eru nú út- komin 5 blöð. Fyrsta blaðið kom út 1960 og var það af Suðvestur- landi.Þá kom út blaðið af Miðsuðurlandi (1962), Mið-lslandi (1965), Miðvesturlandi (1968) og síðast af Norðvesturlandi (1969). Jarð- fræðikort af Miðnorðurlandi var tilbúið til prentunar er Guðmund- ur veiktist haustið 1971. Því miður mun útgáfa þessa kortablaðs dragast, þar eð það hefur ekki fundizt enn, hvorki í fórum hans né á Landmælingum íslands, þar sem kortin voru teiknuð. Á því eftir að gera þrjú kortblöð, þ. e. Norðausturland, Austurland og Suð- austurland. Mun hann hafa ætlað næst að vinna Suðausturlands- blaðið, enda átti hann í fórum sínum jarðfræðikort af Álftafirði og Lóni austan Jökulsár, en kort þetta gerði hann, er hann vann þar sumarið 1952 aðmálmleit ásamt Tómasi Tryggvasyni á vegum Rann- sóknaráðs ríkisins. Er vonandi að gerð jarðfræðikortsins verði haldið áfram án tafar, enda er ekkert jarðfræðikort til af landinu nema kort Þorvalds Thoroddsens frá 1901. Við samningu kortanna studdist Guðmundur vitaskuld við alla fáanlega vitneskju, en hún er reyndar mjög gloppótt, svo að hann varð að fara um öll svæðin. Því ber ekki að leyna, að Guðmundur var stundum um of varfærinn í notkun heimilda, enda eru þær oft misgóðar. Þegar litið er á, hversu mikið verk gerð slíks korts er, má telja undravert hverju Guðmundur kom í verk aleinn. í öðrum lönd- um hefði vafalaust stór hópur manna verið settur til að vinna að slíkri útgáfu. Kortið má teljast nákvæmt miðað við mælikvarðann, þótt ekki munu allir á eitt sáttir, hvað sýna skuli á korti sem þessu.

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.