Náttúrufræðingurinn

Árgangur

Náttúrufræðingurinn - 01.03.1973, Blaðsíða 35

Náttúrufræðingurinn - 01.03.1973, Blaðsíða 35
NÁTTÚRUFRÆÐINGURINN 179 daginn 7. febrúar 1970 var stórstreymt. Þá fór og saman við sunnan- verðan Faxaflóa óvenjudjúp loftvægislægð og vestanstormur. Þetta þrennt lagðist ailt á eitt að valda miklu sjávarflóði, ásamt foráttu- brimi. Brimið olli talsverðum usla, braut varnargarða, dreifði grjóti langt inn á tún og engjar og flæddi sums staðar inn í hús. Um viku síðar skrapp ég suður á Álftanes að skoða verksummerki og fannst mikið til um. Roskið fólk, sem ég hitti þar, fuiiyrti, að annað eins sjávarflóð og landbrot hefði ekki orðið þar fyrr á þessari öld. En ekki kom mér þá í hug, að þessar náttúruhamfarir yrðu til þess að koma upp um aldur Búrfellshrauns. Og ég ætlaði alls ekki að sinna þeim neitt meira. En skömmu síðar hringdi til mín frú ein í Hafnar- firði Elísabet Kristjánsdóttir, Skúlaskeiði 20. Hún lýsti fyrir mér miklu umróti sem orðið hefði af völdum brimsins í flóðinu við hraunströndina norðan Hafnarfjarðar og kvað þar nú ýmislegt komið í ljós, sem vert væri að jarðfræðingur liti á. Ég þekkti ekkert til Elísa- betar né hennar fólks, en maður hennar er Sveinn skipasmiður Frí- mannsson frá Skerseyri, sem er býli þarna á hraunströndinni skammt vestan við vesturbæ Hafnarfjarðar. Ég dáist að athygli og forvitni Elísabetar og get ekki nógsamlega þakkað henni hugulsemina að láta mig vita. Upp úr þessu fór ég að venja komur mínar á hraun- strönd Hafnarfjarðar í þeirri von, að mér tækizt þar að gægjast inn undir brún Búrfellshrauns. Sú von var vissulega ákaffega lítil, og fljótlega varð sýnt að ekki dygði minna en stórstraumsfjara. Loksins á sumardaginn fyrsta 1970 kom ég þar, þegar saman fór stórstreymi, lágfjara, sléttur sjór og blíðviðri. Þá kom upp um 20 m breið og mjög hallalítil fjara framan við Balaklöpp örlítlu austan við Bala- klett, sem er allra yzta nef Búrfellshrauns við Hafnarf jörð. Þessi ör- nefni eru kennd við býlið Bala, sem tilheyrir Garðahreppi, en stendur rétt utan við mörk Hafnarfjarðarkaupstaðar. Fyrir þessa komu mína hafði ég talið nokkurn veginn víst, að þetta lága sjávar- berg fram af Bala væri aðeins stallur, sem brim hefði klappað í hraunið, en hraunið næði lengra út. En nú sá ég á mó í fjörunni, fjörumó, þó aðeins á smáblettum. Hann var víðast hulinn sandi, möl og grjóti. Ég tók nú að grafa gryfju fast við fremsta klapparnefið undir Balaklöpp og þar reyndist einnig vera mór undir. Og aðeins í rúmlega skóflustungu-dýpi kom í ljós að mórinn gekk inn undir hraunklöppina. Ég gróf nú þarna gryfju í móinn um einn metra nið- ur, fyrr tókst mér ekki að ganga örugglega úr skugga um, að mórinn

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.