Náttúrufræðingurinn - 01.03.1973, Blaðsíða 15

NATTURUFRÆÐINGURINN 159
Guðmundur Kjarlansson:
Aldur Búrfellshrauns við Hafnarfjörð"
Skilgreining og nafngift.
Hafnarfjarðarkaupstaður stendur hálfur á jökulsorfinni grágrýtis-
klöpp, hinn helmingurinn í úfnu hrauni. Lækurinn, sem fyrrum
hét fullu nafni Hamarskotslækur, en nú oftast Hafnarfjarðarlækur,
fylgir nákvæmlega mörkum þessara jarðmyndana. Að hafnfirzkri
málvenju er grágrýtissvæðið „fyrir sunnan læk" en hraunið „fyrir
vestan læk".
Raunar er grágrýtið, bæði sunnan lækjar í Hafnarfirði og um öll
innnes allt tif Koiiafjarðar, einnig hraun að uppruna, en of gamalt
og máð tii að heita svo í daglegu máli. Þessum fornu grágrýtishraun-
um er hárrétt lýst í tveimur ljóðlínum í kvæði Arnar Arnarsonar
um Hamarinn í Hafnarfirði:
„ Jökulhefluð hamrasteypa,
hafi sorfin, stormi fægð".
Veit ég þess ekki dæmi, að meiri jarðsaga hafi verið réttilega sögð
í svo stuttu máli.
Heimamönnum í Hafnarfirði er tamast að kalla hraunið fyrir
vestan læk bara Hraunið, aðrir nefna það Hafnarfjarðarhraun. En
þetta er aðeins hluti af allvíðáttumiklu hrauni. Aðrir hlutar þess
heita hver sínu nafni, t. d. Garðahraun og Gálgahraun norðvestur
og norður frá Hafnarfirði, en í gagnstæða átt er Vífilsstaðahraun,
Urriðakotshraun, Gráhelluhraun og Smyrlabúðarhraun (1. mynd).
Allt er þetta eitt og sama hraunflóð að uppruna, og runnið í einu
1) Guðmundur Kjartansson vann að grein þessari, þegar hann veiktist haustið
1971, og var hún vart hálfunnih af hans hálfu. Síðari hluti greinarinnar (frá
kaflanum Aldur Búrfellshrauns) var aðeins til á minnisblöðum að fyrirlestri,
sem hann hélt um þetta efni á fræðslusamkomu Hins íslenzka náttúrufræði-
félags hinn 20. okt. 1971. Jón Jónsson, jarðfræðingur, las handritið yfir ásamt
undirrituðum, sem bjó það til prentunar, og var engu breytt í því nema örfá-
um ritvillum. Þorleifur Einarsson.