Náttúrufræðingurinn

Árgangur

Náttúrufræðingurinn - 01.03.1973, Blaðsíða 10

Náttúrufræðingurinn - 01.03.1973, Blaðsíða 10
154 NATTURUFRÆÐINGURINN vitað mikils tíma. Á löngum ritferli kom hann fram með mörg ný- yrði, sem flest falla svo vel í málið, að erfitt mun þeim, sem ekki þekkja til, að greina þau frá eldri orðum málsins. Við rannsóknir í náttúrunnar ríki var hann athugull og rýninn, enda fór hann fremur hægt yfir. Guðmundi var margt til lista lagt. Hann var söngmaður góður og teiknari ágætur, svo sem fjöldi teikninga í ritum hans bera ljóst vitni. Guðmundur var tæpur meðalmaður á hæð en samsvaraði sér vel. Hann var Ijós yfirlitum og nokkuð fölur. Hann var með afbrigðum kurteis og háttprúður. I vinahópi var hann kálur. Honum var það mjög fjarri skapi að trana sér fram, og má reyndar segja, að hann hafi verið einum of hlédrægur. Hann var með eindæmum hollráður og eiga hinir yngri jarðfræðingar honum margt að þakka. Hann var allra manna ómannglöggastur, en á landslag og örnefni voru fáir honum gleggri. I þjóðmálaskoðunum var hann róttækur, þótt aldrei færi hann hátt með skoðanir sínar. Hann var eindreginn hernámsand- stæðingur, svo sem er um marga, sem þekkja þetta land bezt. Guðmundur kvæntist 2. nóvember 1935 Kristrúnu Steindórsdótt- ur, og lifir hún mann sinn. Kristrún var dóttir Steindórs Björnssonar frá Gröf, efnisvarðar hjá Landsímanum, og konu hans Guðrúnar Guðnadóttur. Þau eignuðust tvö börn, Sólveigu, fædda 21. febrúar 1942, gifta Guðjóni Axelssyni, tannlækni, og Kjartan, fæddan 1. október 1958, nú við nám í unglingadeild Laugalækjarskóla í Reykjavík. Útför Guðmundar Kjartanssonar var gerð laugardaginn 22. apríl 1972. Um morguninn var haldin kveðjuathöfn í dómkirkjunni í Reykjavík, og var kirkjan þéttsetin. Kveðjuræðu flutti séra Ólafur Skúlason. Jarðarförin fór fram frá kirkjunni í Hruna síðdegis, og var kirkjan þar fullsetin. Líkræðu flutti séra Sveinbjörn Sveinbjörns- son. Jarðsett var í kirkjugarðinum í Hruna. í fámennum hópi íslenzkra jarðfræðinga er skarð fyrir skildi, þegar genginn er um aldur fram einn hinn bezt menntaði og mætasti þeirra. Þorleifur Einarsson.

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.