Náttúrufræðingurinn - 1973, Blaðsíða 31

N ÁTT ÚRU F RÆÐINGURINN
Myncl 5. Misgengi í Hjöllum. Horft til norðausturs. — Fig. 5. Hjallar,
normal faults. View to NE. (Ljósm. Guðmundur Kjartansson).
standa upp úr því holt og ásar úr grágrýti og mynda eina hraun-
lausa ey allstóra. Mest þeirra hæða er Smyrlabúð í norðausturhorni
grágrýtiseyjunnar. Hamraveggurinn í austurhlíð hennar er sams
konar brotsár og í Hjöllum, en sýnist nokkru lægri, því að hraunið
hefur flætt fast að rótum þess og fyllt upp.
Samkvæmt mælingum Jóns Jónssonar nemur hæð Hjallamisgeng-
isins í Búrfellshrauni um 12 m alls, og er það samanlögð hæð megin-
stallsins (um 7 m) og annarra miklu minni samsíða brotstalla beggja
vegna hans. En í grágrýtinu, utan hrauns, telur Jón misgengið um
65 m. Af mínum athugunum og ónákvæmum hæðarmælingum (með
loftvogj ætla ég þó sennilegra, að hvorttveggja misgengið sé nokkrum
mun meira.
í hrauninu kemur ekki allt misgengið fram í brotstöllunum,
heldur að nokkru leyti í því, að á milli stallanna er nú sýnilegur
hægur halli á yfirborði hraunsins til suðausturs, þ. e. öfugt við
rennslisstefnu þess. Þetta á a. m. k. við um botn Búrfellsgjár, þar
sem brotabeltið, nokkur hundruð metra breitt, sker hana. Sá halli