Samvinnan - 01.04.1971, Blaðsíða 61
Síld glergerð'armannsins
1—2 saltsíldar
lVi dl edik
IVí dl vatn
%—1 dl sykur
1 laukur (saxaður)
(Ys blaðlaukur)
3—4 gulrótarsneiðar
Yz msk kapers eða dill
3—4 heil piparkorn
Hreinsið síldina og leggið hana í bleyti rnn 3 klst. Skerið hana síðan
í jöfn stykki um 2 sm breið. Sjóðið síðan löginn ásamt gulrót, lauk og
kryddi; kælið og hellið yfir síldina, sem bezt er að geyma í lokaðri
glerkrukku í kæliskápnum 1—2 daga áður en hún er borðuð með t. d.
vel heitum kartöflum og rúgbrauði.
Vorsíld
1—2 saltsíldar
50 g oliusósa (mayonaise)
%—1 dl súrmjólk eða rjómi (þeyttur)
Salt, pipar, sinnep
2 msk saxaðar rauðrójur
1 saxað, harðsoðið egg
1 msk saxaður pikles
1 msk saxaður laukur
Leggið síldina i bleyti og flakið. Þerrið og skerið 1 um 2 sm bita, raðið
á fat. Hrærið olíusósuna með kryddi og súrmjólk (ath. að sósan á að
vera fremur þykk). Blandið síðan rauðrófum, eggjum, pikles og lauk
saman við. Látið yfir síldina og skreytið með radísusneiðum og khpptri
steinselju. Borið fram með heitum kartöflum.
Síld í ediki eða kryddsíld er einnig góð með þessari sósu.
Síldarbátar
2—3 sýrð síldarjlök eða kryddsíld
y2 agúrka
50—100 g oliusósa (krydduð)
1—2 tómatar
Dill eða steinselja
Skerið síldarflökin á ská í 1—2 sm bita. Skerið gúrkuna eftir endilöngu
í sneiðar sem raðað er á fat. Raðið síldarbitunum yfir og skreytið með
tómatbátum, olíusósu (mayonaise) og dillgreinum eða steinselju.
Síldartoppar
2—3 jlök sýrð- eða kryddsíld
2—3 soðnar (stórar) kartöjlur
2 harðsoðin egg
2—3 tómatar
Lauksósa eða olíusósa (mayonaise)
Skerið kartöflurnar í sneiðar, einnig tómatana og eggin. Raðið kart-
öflunum á fat eða á smádiska (ef útbúinn er skammtur íyrir hvern
einn). Leggið 2—3 síldarbita á hverja kartöflusneið, því næst tómat-
sneið og eggjasneið. Skreytt með síldarbita, litlum tómatbát og stein-
selju.
Borið fram vel kalt og nýtilbúið með t. d. heitum laukjafningl eða
kryddaðri olíusósu (sósan er þá krydduð með t. d. klipptum graslauk,
sinnepi, sítrónusafa og papriku).
Ofnsteiktar kartöflur bragðast vel með síld
Veljið jafnstórar kartöflur. Burstið þær vel úr köldu vatni, raðið í
eldfast mót eða ofnskúffu og penslið með matarolíu sem gott er að
bragðbæta þannig:
% dl matarolía,
1 lítil sítróna
1 tsk merian
1 tsk salt
Hrist saman og er hæfilegt á 8 stórar kartöflur. Kartöflurnar eru bak-
aðar í um 200 gráðu heitum ofni í um % klst., þá eru þær penslaðar
aftur, skorinn kross í þær og bakaðar áfram þar til þær eru meyrar
(um 50 mín).
Gott er að láta smjörbita á hverja kartöflu um leið og þær eru bornar
fram vel heitar.
SUNNUDAGSMATSEÐILL
OFNSTEIKTIR KJÚKLINGAR MEÐ HRÍSGRJÓNUM OG HRÁU SALATI
FLJÓTBÖKUÐ EPLAKAKA
Ofnsteiktir kjúklingar
Bezt er að hafa kjúklingalæri í þennan rétt, en hægt er að kaupa
læri og bringur sérpakkað á sama verði og heila kjúklinga.
4—5 kjúklingalæri
4—5 flesksneiðar (bacon)
50 g smjörlíki
1— 2 dl vatn
1 tsk hveiti
Kínversk soja og salt
Þerrið kjötið og vef jið einni þunnri flesksneið um hvert læri, festið með
kjötprjóni eða trépinna. Brúnið í feitinni og raðið í eldfast mót. Hristið
saman vatn, hveiti og krydd, sjóðið það á pönnunni og hellið yfir kjötið,
sem er steikt áfram í 200 gráðu heitum ofni í 20—30 mín., eða þar til
kjötið er hæfilega meyrt.
Kjúklingalæri með fleski er einnig gott að glóðarsteikja.
Soðin hrisgrjón
1 lítill laukur (saxaður)
2— 3 msk matarolia
3 dl hrísgrjón
6 dl vatn
Tómatar eða spánskur pipar
Hitið laukinn í feitinni, bætið hrísgrjónunum i og látið þau malla um
stund. Kryddið með salti og pipar og hellið sjóðandi vatninu yfir og
sjóðið við hægan hita í um 18 mín. Skerið tómatana eða piparinn í
ræmur og blandið saman við með gaffli.
(Ath. að lokið á pottinum eða pönnunni þarf að vera vel þétt).
Hrátt salat
1—2 salathöfuð, 2 appelsinur, 2 epli,
2 bananar, (vínber)
Þvoið salatblöðin og leggið þau á grind eða stykki. Rífið þau síðan
niður í skál og blandið smátt skornum ávöxtimum saman við. Bragð-
bætið með sítrónusafa og púðursykri ef þörf gerist.
Fljótbökuð eplakaka
2 egg
% dl sykur
10 möndlur
1 tsk vanillusykur
3 msk hveiti
1 tsk lyftiduft
3 stór epli (súr)
Þeytið egg og sykur vel saman. Blandið flysjuðum söxuðum möndlun-
um varlega saman við ásamt sigtuðu hveitinu, lyftiduftinu og vanillu-
sykrinum. Plysjið eplin og rífið þau á rifjárni; blandið þeim strax
saman við og bakið í smurðu, eldföstu móti við 200 gráðu hita í 20 mín.
Kakan er borin fram heit með köldum, þeyttum rjóma.
Hæfilegt er að baka kökuna meðan kjötrétturinn er borðaður.
61