Samvinnan - 01.12.1972, Qupperneq 69

30 g hveiti
1 tsk karry
3 dl soð
1 dl rjómi
14 dl tómatsósa
Brúnið rifjurnar, leggið þær í eldfast mót, stráið salti og papriku
yfir. Hreinsið laukinn og sveppina, skerið í sneiðar og brúnið. Afhýðið
eplin, skerið þau í báta. Raðið yfir rifjurnar. Lagið sósu úr smjöri,
hveiti og soði, bragðbætið með tómatsósu, karrý, salti og rjóma, hellið
yfir rifjurnar, bakið í ofni við 175°C í 30 mín.
BAKAÐAR KARTÖFLUR M/SÝRDUM RJÓMA OG BLAÐLAUK
4 stórar kartöflur
4 msk sýrður rjómi
blaðlaukur
Þvoið og bui'Stið kartöflurnar vel, þerrið þær á eftir (afhýðið þær
ekki). Skerið kross 1 cm djúpan í miðja kartöfluna. Leggið kartöfl-
urnar i smurt eldfast mót með krossinn upp í móti. Penslið kart-
öflurnar með olíu og stráið salti og pipar ofan í krossinn. Bakið í ofni
í 1 tíma við 175 °C. Þrýstið kartöflunum saman að neðan þannig að
krossinn opnist betur áður en þær eru bornar íram. Setjið 1 msk. af
sýrðum rjóma í hverja og stráið smátt söxuðum blaðlauk yfir.
ENSKT BUFF M/LAUK
1 kg hryggvóðvi
salt — pipar
smjör
4—5 laukar
2 dl soð eða vatn
Skerið kjötið í 4 sneiðar 2Vi cm þykkar. Bankið kjötið létt með hend-
inni, kryddið með salti og pipar. Brúnið við góðan hita í 3 mín. á
hvorri hlið. Hreinsið laukinn og brúnið. Leggið hann ofan á buffið.
Hellið soðinu yfir. Berið soðnar kartöflur og asíur með.
NAUTARIFJA M/FYLLTUM TÓMÖTUM
1 nautarifja
% dl olía
salt — pipar
Hreinsið rifjuna, kryddið hana með salti og pipar. Steikið hana í
olíu á pönnu í 8—10 mín. á hvorri hlið. Losið kjötið frá beininu, skerið
það í sneiðar þvert á vöðvaþræðina, áður en það er borið fram. Berið
með rifjunni fyllta tómata og grænar baunir.
FYLLTIR TÓMATAR
2 tómatar
1 laukur
5 sveppir
brauðmylsna
14 tsk salt
Vs tsk hvítlaukssalt
14 tsk pipar
1 msk sítrónusafi
1 msk smjör
Skerið tómatana í tvennt, takið maukið úr þeim (geymið það). Brytjið
smátt lauk og sveppi, brúnið í smjöri á pönnu. Blandið saman við
kryddi, sítrónusafa, tómatmauki og brauðmylsnu. Pyllið tómatana með
þessari blöndu, setjið smjör ofaná. Setjið tómatana í eldfast mót.
Bakið í 200°C heitum ofni þar til þeir fara að brúnast.
ÆVINTÝRAPOTTUR
500 g svínakjöt
25 g smjör
20 g hveiti
1 tsk salt
V, tsk paprika
3 dl vatn
1 laukur
250 g sveppir
1 paprika grœn
3 tómatar
3 egg
Brúnið kjötið, setjið í pott, stráið hveiti, kryddi og vatni yfir. Hreinsið
lauk og skerið í sneiðar og brúnið, hellið í pottinn. Sjóðið réttinn í 1
tíma. Hellið réttinum í fat eða skál, bætið út í nýrri papriku og
brúnuðum sveppum. Skreytið með eggjabátum og tómötum.
KJÚKLINGARÉTTUR
4 kjúklingalœri
hveiti
salt — pipar
1 msk paprikuduft
smjör
1 laukur
Vz kg sveppir
1 ds tómatkraftur (e. a. 75 g)
2% ds soð eða vatn
1 dl rjómi
Hreinsið kjúklingalærin, veltið þeim upp úr hveiti, blönduðu salti,
pipar og papriku. Brúnið í smjöri á pönnu. Leggið þau í pott. Hreinsið
lauk og sveppi, skerið í sneiðar og brúnið, hellið yfir lærin. Bætið
tómatkrafti og soði útí. Sjóðið réttinn í 30—40 mín. Blandið að síð-
ustu þeyttum rjóma út i. Berið með réttinum soðin hrísgrjón.
STEIKT ÖND
1 önd 2—21í kg
salt — pipar
14 kg epli
10 sveskjur
V2 l sjóðandi vatn
Hreinsið öndina, nuddið kryddinu utan og innan á hana. Afhýðið
eplin, skerið þau í báta og leggið inn í öndina ásamt útbleyttum
sveskjum. Lokið fyrir öndina með kjötprjónum eða saumið fyrir með
seglgarni. Leggið öndina á rist ofan á ofnskúffu. Brúnið við 225°C í
20 mín. Hellið fitunni úr ofnskúffunni og hellið sjóðandi vatni í og
leggið öndina ofan í. Lækkið hitann niður í 175°C og steikið í 114—2
tíma. Hellið soðinu úr V2 tíma áður en öndin er steikt og hækkið hit-
ann í 225°C. Lagið sósu úr soðinu og berið einnig með soðnar eða
brúnaðar kartöflur og rauðkál.
61