Fréttablaðið - 12.09.2009, Qupperneq 58

● heimili&hönnun
Þ etta er bara lítill lykill og virkar nú ekki merkilegur, en ég fann hann á svolítið skrítnum stað,“ segir Birna um einn af sínum uppáhalds gripum,
lykilinn góða.
„Það eru örugglega komin tíu ár síðan; þá ég var í skráningarferð að skoða
fornleifar í Mývatnssveit og nágrenni. Ég fór með gömlum manni þarna úr
sveitinni að skoða stað sem heitir Fremri Námar, það var brennisteinsvinnsla
þar fram á átjándu öld. Þetta er uppi á fjalli sem heitir Ketildyngja og er á
mjög fáförnum slóðum. Þar vorum við að skoða þessar brennisteinsnámur og
leifar af skýli sem er hlaðið þarna upp á. Þarna úti í auðninni fann ég þennan
lykil.“
Það er því ekki laust við að lykillinn hafi fundið Birnu, frekar en hún hann.
„Mér þykir svo vænt um þennan lykil og hugsa oft um hvað hann hafi verið
að gera þarna uppi á fjallinu. Mér finnst jafnvel eins og ég hafi bara átt að
finna hann þarna, mér finnst eitthvað svo furðulegt að ég hafi akkúrat rekist
á hann. Svo hugsa ég oft um hver hafi átt hann og að hvaða skrá hann hafi
gengið og svona.“
Hann hefur nú fengið heiðursess á heimilinu. „Hann var nú lengi bara í
skartgripaskríninu mínu en núna hangir hann uppi á vegg. Maður fær ein-
hvers konar innblástur við að horfa á þennan lykil, finnst mér stundum. Eins
og hann sé lukkugripur. Hann minnir mig líka á þessa frábæru ferð með
gamla manninum, sem heitir Snæbjörn Pétursson. Hann var örugglega orð-
inn rúmlega áttræður þegar hann fór þarna með mér en ég dróst á eftir
honum, rúmlega tvítug. Hann ætlaði bara að hlaupa mig af sér.“
Og Birna á eina ósk. „Ef einhver sæi þetta nú í blaðinu og vissi af einhverjum
sem hefur týnt lykli á Ketildyngju þá væri gaman að vita af því.“ - kbs
Lykillinn ætlaður henni
heimili
●INNBLÁSTUR REGNBOGANS Í bænum Wuppertal í Þýskalandi
er að finna litríkar tröppur sem fara ekki framhjá neinum. Þær eru málað-
ar í öllum regnbogans litum og þó að þær stingi örlítið í stúf við reisuleg
húsin í kring þá gefa þær bænum sannarlega lit.
Ekki er gott að segja hvort eigandi gamla tréstigans á meðfylgjandi
mynd hafi sótt innblástur til stigans í Wuppertal en hann gefur um-
hverfinu jafn afgerandi svip. Teppabútarnir eru að öllum líkindum límdir
á stigann en þá má einnig festa með listum. Litavalið getur svo verið
allavega en útkoman er sannarlega heimilisleg. - ve
● LISTAVERK NÁTTÚRUNNAR
Sumar ljósmyndir gefa abstrakt málverk-
um ekkert eftir í frumlegum formum og
litum. Þetta á meðal annars við um lands-
lagsmyndir. Þeir sem hafa næmt auga
og eru lunknir með linsurnar geta tekið
myndir úti í náttúrunni sem líkjast engu
venjulegu landslagi heldur verða eins
og hver önnur listaverk. Sýning á slíkum
listaverkum verður opnuð 19. september
í Gallerí Fold á Rauðarárstíg. Þau eru eftir
Hauk Snorrason ljósmyndara.
● HIMNAPOTTAR Með svokölluðum
Sky Planter, eða himnapottum, eftir Patr-
ick Morris, má rækta blóm á hvolfi. Morris
hannaði blómapottana með all sérstöku
vökvunarkerfi þar sem vatnið kemst beint
til róta plöntunnar. Þannig gufar ekkert
vatn upp og ekkert fer til spillis.
Kostir himnapottanna: Þeir spara vatn,
blómin hreinsa loftið, sparar tíma og
bjargar blómum enda þarf aðeins að fylla
á pottana einu sinni til tvisvar í mánuði.
Hangandi pottar spara pláss auk þess sem
öfug blóm munu örugglega vekja undrun
og athygli gesta.
Hægt er að fá slíka potta á www.rock-
ettstgeorge.co.uk
hönnun
Til minningar um góðan dag og góða gæfu. Birna Lárusdóttir og lykillinn sem fann
hana, frekar en hún hann. FRÉTTABLAÐIÐ/ARNÞÓR
12. SEPTEMBER 2009 LAUGARDAGUR4