Fálkinn - 28.06.1965, Blaðsíða 34

Kvikmyndagerð Svía á sér
' langa og merkilega sögu. Segja
má. a3 alit írá upphaíi hafi
Svíar verið þar í fremstu röS.
En við œilum ekki a3 rekja
sögu sœnskra kvikmynda held-
ur einungis víkja aS því helzta,
sem þar er nú aS gerast í
heimi kvikmyndanna.
Konungur sænskrar kvikmyndagerð-
ar er Ingmar Bergman, og er hann eini
kvikmyndaleikstjóri veraldar, sem hlot-
ið hefur hin eftirsóttu Oscar-verðlaun
tvö ár í röð: árið 1960 fyrir Meyjar-
lindina og 1961 fyrir Sem í skuggsjá.
En Ingmar Bergman gerir meira en að
stjórna myndum sínum, hann skrifar
éinnig handrit. Og myndir hans fjalla
um hin ólíkustu efni, allt frá átakan-
legustu harmsögum til hinna léttustu
og fjörlegustu gamanmynda.
Ingmar Bergman fæddist árið 1918
í Uppsölum. Hann stundaði nám í lista-
sögu og bókmenntum við háskólann í
Stokkhólmi, en starfaði síðan sem leik-
' stjóri við öll helztu leikhús Svíþjóðar
og gegnir nú embætti þjóðleikhússtjóra
þar í landi. Fyrstu kvikmynd sína gerði
hann 1949, og hét hún Fangelsið, en
það var ekki fyrr en með 14. mynd
' sinni árið 1956, Brosi sumarnæturinnar,
sem hann gat sér alþjóðlega frægð. Sú
1 mynd var verðlaunuð á kvikmynda-
i hátíðinni í Cannes sem bezta gaman-
mynd ársins, og síðan hefur ferill hans
verið óslitin sigurganga. Sjöunda inn-
siglið hlaut verðlaun í Cannes 1957,
Andlitið kom 1958, Meyjarlindin 1959,
Sem í skuggsjá 1961, og er sú mynd
fyrsti hluti stærri heildar, hinar mynd-
irnar eru Vetrarljós 1962 og Þögnin
1963, og hefur hún vakið mesta at-
hygli allra mynda Bergmans. Síðasta
kvikmynd Bergmans var gerð í fyrra,
og er hún jafnframt fyrsta litmynd
'■ hans. Þetta er gamanmynd og heitir
Svo ekki sé minnzt á allar þessar konur.
Annar sænskur kvikmyndaleikstjóri,
, sem einnig hefur getið sér mikla frægð
er Arne Sucksdorff. Hann hefur nýlega
lokið við nýja mynd, sem heitir Ég á
heima í Copacabana, og hlýtur einróma
lof allra gagnrýnenda, enda verður hún
send til Cannes í ár. Þessi mynd fjallar
um líf munaðarlausra villtra barna í
fátækrahverfum Rio de Janero, en
Sucksdorff hefur unnið á vegum
UNESCO í Brasilíu. Þar kynntist hann
þessum ógæfusömu börnum og varð
djúpt snortinn af lífsbaráttu þeirra, ein-
kennilegri kímnigáfu og furðulegum
kjarki. Áður en Sucksdorff tók að gera
kvikmynd sína, fór hann að taka mynd-
ir af lífi þeirra. Hann tók þátt í gleði
þeirra og sorg og ódrepandi lífsmætti
mánuðum saman, áður en hann hóf
Framh. á bls. 66.
34
FALKINN