Tímarit iðnaðarmanna - 01.10.1989, Blaðsíða 17

Hagsmunir allra
fslendinga í húfi
EINAR
BENE-
DIKTSSON,
SENDI-
HERRA:
„Það sem einkennt
hefur starfið hér
undanfarin þrjú ár meir en
flest annað hefur verið
hversu ört það hefur vaxið
bæði að umfangi og dýpt.
Þegar ég kom hingað fyrst
tengdist þetta mest
svonefndum
Luxembourgarferli. Síðan
hefur verið tekið nýtt
frumkvæði af hálfu bæði
Evrópubandalagsins og
EFTA, sem lýtur að því að
kanna hvort hægt er að
gera heildarsamninga á
milli þessara ríkjahópa",
sagði Einar Benediktsson,
sendiherra íslands hjá
Evrópubandalaginu, í
viðtali við Tímarit
Iðnaðarmanna.
Einar hefur verið
sendiherra hjá EB
síðastliðin þrjú ár, eðafrá
1986.
„I samningum okkar við
EB eru mjög miklir
hagsmunir í húfi “, sagði
Einarennfremur, „þótt
þeir séu ekki öllum jafn
Ijósir. EB-ríkin eru meðal
helstu viðskiptalanda
okkar og yfir 60% af
útflutningi okkarfertil
þeirra. Það er því
mikilvægt, ef ekki
lífsspursmál að gætt sé að
samkeppnisstöðu okkar á
innri markaði EB þegar
hann kemur til árið 1992.
Ef við náum ekki samvinnu
við þessi ríki myndi staða
okkarversna til mikilla
muna. Einnig kemur
meirihluti innflutnings til
íslands frá Evrópusvæðinu
og við höfum hagsmuna
að gæta í þeim efnum.
Að auki eigum við mjög
víðtæk samskipti við þessi
lönd; söguleg,
menningarleg, menntaleg
og stjórnmálaleg. Okkur er
nauðsyn að fylgjast vel
með því sem gerist í
menntamálum, því
íslendingar hafa margir
sótt sér menntun til
EB-ríkjanna og við viljum
ekki útilokast frá
menntakerfi þeirra.
Þessir hagsmunir eru
ekki bundnir við einstök
fyrirtæki eða stofnanir. Hér
er um verulega hagsmuni
fyrirallt íslenska
þjóðfélagið að ræða. Hver
sá íslendingur sem efast
um að hann eigi hagsmuna
að gæta í
samningaumleitununum
við EB hann telur sig ekki
vera aðila að íslensku
þjóðfélagi. Svo einfalt er
það."
17