Tímarit iðnaðarmanna - 01.10.1989, Blaðsíða 7

—f
Iðnþing íslendinga er að þessu sinni haldið undir kjöroðinu
ÍSLENSKUR IÐNAÐUR- ÍSLENSK FRAMTÍÐ. Fengnirhafa
verið kunnáttumenn bæði úr röðum félagsmanna og aðrir til
að fjalla um iðnaðinn í þjóðhagslegu og sögulegu samhengi,
spá fyrir um framtíðarhorfur hans m.a. í Ijósi breytinga, sem
augljóslega verða á samkeppnisskilyrðum vegna stóraukins
viðskiptasamstarfs Evrópuþjóða. Þá mun verða fjallað um
hvort og þá hvað stjórnvöld annars vegar og fyrirtækin hins
vegar þurfa að gera til þess að beina þróuninni inn á
æskilegustu brautir.
w
I þessu blaði er fjallað um einn stóran þátt þessa máls,
breytingarnar í Evrópu. Landssamband iðnaðarmanna hefur
ekki látið mikið frá sérfara um þetta „tískumái" eins og
margir eru farnir að taka til orða, en með tilliti til hve áhrif
þessara breytinga munu verða víðtæk er eðlilegt, að gera
þeim nokkur skil á þessum vettvangi.
IVIegin tilgangur sameiginlegs innri markaðar
Evrópubandalagsins er að styrkja samkeppnisstöðu
evrópskra fyrirtækja gagnvart sífellt meiri og hatrammari
samkeppni frá löndum utan Evrópu, s.s. Japan og
Bandaríkjunum. Taka sumir svo djúpt í árinni að tala um
endurreisn „gömlu Evrópu", sem hefur að undanförnu
smátt og smátt þurft að láta undan síga í samkeppni við
nýiðnvæddu þjóðirnar svokölluðu. Athyglisvert er, að til að
ná þessu markmiði, vinnur Evrópubandalagið ekki eingöngu
að því að fjarlægja viðskiptahindranir, auka innbyrðis
samskipti og bæta rekstrarskilyrðin. Fjölmargar ráðstafanir
eru einnig fyrirhugaðar til að efla atvinnulífið með beinum
hætti. Nægir í þessu sambandi að nefna hina miklu áherslu,
sem lögð er ásérstakar ráðstafanir til að efla lítil og meðalstór
fyrirtæki.
A,fleiðingin mun alls ekki einvörðungu birtast í breyttum
aðstæðum fyrir þá aðila hér á landi og í öðrum löndum utan
Evrópubandalagsins, sem flytja vörur eða þjónustu til
bandalagslandanna. Bætt rekstrarskilyrði í löndum
bandalagsins munu ekki síður hafa afdrifarík áhrif og auka
verulega samkeppni hér á heimamarkaði vegna aukinnar
ásóknar frá innflutningi.
Landssamband iðnaðarmanna hefur í tvennum tilgangi
reynt að fylgjast með því sem þarna er að gerast. Annars
vegar til að geta tekið þátt í að móta stefnu um viðbrögð
stjórnvalda og aðlögun starfsskilyrða hér á landi gagnvart
þessum nýju viðhorfum. Hins vegar til þess að geta upplýst
aðildarfyrirtækin og aðstoðað þau við að bregðast við á
viðeigandi hátt. Hvorutveggja krefst mikillar
upplýsingamiðlunar. En til þess að koma í veg fyrir tví- eða
margverknað reynir Landssambandið að einbeita sér að
ákveðnum þáttum þessa máls og þá helst þeim, sem varða
samskipti og hugsanlega samninga milli
Evrópubandalagsins og EFTA og ætla má að miklu varði fyrir
íslenskan iðnað. Hinum helstu þeirra eru gerð nokkur skil í
þessu blaði. Hefur verið leitað til ýmissa manna, sem um
þessi mál fjalla og eru sérfróðir hver á sínu sviði.