Vikan - 12.08.1993, Síða 45
Bjarni kom heim úr vinnunni
óvenju glaður í bragði. Konan
spurði hann hvernig á þvi stæði
og svaraði hann henni því til að
hann væri svo ánægður með
einkaritarann sinn sem byrjaði á
skrifstofunni fyrir viku. „Hún er
mjög dugleg," bætti hann við,
„annars er hún lítil og nett, vel
máluð og minnir mig stundum á
dúkku." Þá gall í litlu dóttur þeirra
sem var að leika sér á gólfinu við
fætur þeirra: „Pabbi, lokar hún
líka augunum þegar þú leggur
hana á bakið?"
Ungt par átti von á sfnu fyrsta
barni og var farið að telja dag-
ana sem eftir voru, eiginlega
gat fæðingin orðið hvenær sem
var úr þessu. Eitt kvöldið tók
konan sóttina og hrfðirnar
komu hver af annarri. Hann
vildi að þau drifu sig strax nið-
ur á fæðingardeild en hún
sagðist ekki vilja fara strax,
ekki fyrr en hún væri alveg
viss. „Ég vil ekki fara fyrr en
styttra er orðið á milli hríð-
anna.“ Hann varð sífellt óró-
legri og fannst hver minúta
vera heil eilífð. Það endaði með
því að hann sprakk á limminu
og sagði við konu sína: „Þú
ræður hvað þú gerir en ég er
farinn niður á fæðingardeild."
Maöur nokkur var búinn að
standa lengi á miöri gangstéttinni
starandi upp í loftið. Æ fleiri veg-
farendur stöldruðu við hjá honum
og beindu sjónum til himins til að
sjá hvað maðurinn væri eiginlega
að stara á með svo mikilli athygli.
Eftir langa mæðu spurði samt
einn viðstaddra á hvað maðurinn
væri eiginlega að góna. Hann
svaraði að bragði: „Ekki veit ég á
hvað þið eruð að horfa en ég er
með blóðnasir."
Dómarinn spurði sakborning-
inn hvað hann væri gamall. „Ég
verð 85 í vor,“ svaraði sá síðar-
nefndi. - Eruð þér þá ekki of
gamlir til að leggja fyrir yður þá
iðju að stela bílum? „Jú, það
getur vel verið,“ svaraði aldna
kempan, „en það voru ekki til
neinir bílar til að stela þegar ég
var upp á mitt besta.“
Finnið sex villur eða fleiri á milli mynda
uu!66n|0 > !II!>(S ? jeiuea >|u|spuEa £ g!nE)s|Bp poAp u!S '2 n||!L| j jeiuea jmiæg • |
ST.JÖRNUSPA
HRÚTURINN
21. mars - 20. apríl
Þér mun finnast aðrir bera
meira úr býtum en þú en láttu það
ekki koma í veg fyrir að þú takir þig
til og farir jafnvel fram úr þeim.
Hver veit nema þér detti í hug
tekjuleið sem þú einn getur setið
að.
NAUTIÐ
21. apríl -21. maí
Þú ieggur mikið upp úr því
að hafa það fallega og mjúka í um-
hverfi þínu. Festu nýja mynd upp á
stofuvegginn eða skjóstu bæjarleið
til að geta notið náttúrunnar og út-
sýnis sem þú hefur velþóknun á.
TVÍBURARNIR
22. maí-21. júní
Það er löngu kominn tími
til að þú látir til skarar skriða og
segir skoðun þína á ákveðnum
málum - enda munt þú nauðsyn-
lega þurfa að leysa frá skjóðunni.
Þér gefst kostur á að taka þátt í
samkeppni sem auka mun sjálfs-
traustið til muna.
KRABBINN
22. júní - 23. júlí
Þú getur gælt meira en
vant er við sjálfan þig svo fremi að
þú farir skynsamlega með tíma þinn
og fjármuni. Þér mun meira að
segja takast að koma hluta af heim-
ilisstörfunum yfir á aðra. Þér gæti
þótt erfitt að halda þig frá einhverju
sem þú verður hugfanginn af.
UÓNID
24. júlí- 23. ágúst
Þú gætir átt velgengni að
fagna ef þú beitir þér af alefli viö að
koma hugmyndum þínum á fram-
færi og fylgja þeim svo eftir. Þess
veröur vænst að þú látir ekki sitja
við orðin tóm. Þú nærð langt ef þú
heldur ró þinni og athygli.
MEYJAN
24. ágúst - 23. sept
Þaö er eins og allur heim-
urinn fari allt í einu að reyna að
selja þér allt sem hugsast getur -
happdrættismiða, frystan fisk, bæk-
ur á tilboðsverði eöa þakefni til að
stöðva lekann. Þú verður að læra
að segja nei þótt hart sé sótt aö þér
af tunguliprum sölumönnum - ann-
ars muntu um síðir ekki lengur eiga
fyrir mjólkinni í grautinn.
VOGIN
24. sept. - 23. október
Jafnvægi er mikilvægasta
hugtak vogarinnar. Þess vegna
finnur hún sig tilknúna að koma
með mótrök ef einhver heldur fram
ákveðinni skoðun í tilteknu máli.
Þessi tilhneiging er ekki vegna þess
að þú viljir alltaf vera á öndverðum
meiði, þetta er bara í eðli þínu.
SPORDDREKINN
24. okt. - 22. nóvember
Einhver sem þú berð mikla
virðingu fyrir gefur þér góð ráð sem
þú skalt taka til athugunar. Þér ætti
að ganga vel að komast af við ann-
að fólk og nú er rétti tíminn fyrir þig
til þess að biðja um betri launakjör
hjá atvinnurekanda eða jafnvel aö
sækja um vinnu á nýjum vettvangi.
Gættu þess bara að segja ekki of
mikið um sjálfan þig í fyrstu atrennu.
BOGMAÐURINN
23. nóv. - 22. desember
Þú ert ákaflega upptekinn
af nýjum hugmyndum sem þú hefur
nýlega kynnst. Þú verður samt að
taka tillit til þess að félagi þinn þarf
lengri tíma til aö hugsa sig um áður
en þið tileinkið ykkur ný vinnubrögð.
Einhver sem er þér nákominn mun
sýna þér hvernig þú færð hlutunum
framgengt án erfiðismuna.
STEINGEITIN
23. desember - 20 janúar
Þú þarft ekki að hafa sam-
viskubit þótt þú þurfir að neita góðu
heimboði. Þú getur hvort sem er
ekki verið á tveimur stöðum sam-
tímis. Hugsaðu þig samt um til að
átta þig á hvað er mikilvægara fyrir
þig og þann sem býður þér heim.
Vertu viðbúinn óvæntum viðburð-
um um næstu helgi.
VATNSBERINN
21. janúar- 19. febrúar
Þér finnst vinnufélagar þín-
ir færast mikið í fang þegar þeir
fara að spreyta sig á nýjum við-
fangsefnum. Hvikaðu ekki frá sann-
færingu þinni og haltu þig sem fast-
ast við það sem þú hefur mest vit
á. Betra er að gera einn hlut vel en
marga illa.
FISKARNIR
20. febrúar-20. mars
Þú getur sannarlega hugs-
að þér að hreinsa borðið og byrja á
öllu upp á nýtt. Farðu samt ekki of
geyst í sakirnar því að margt er
þess virði að þú haldir því til haga.
Láttu tilfinningarnar ráða ferðinni
um helgina.
16. TBL. 1993 VIKAN 45