Æskan - 01.01.1972, Blaðsíða 47

\
Sögur af Sæmundi fróða
„UPP f GARÐ
TIL SÆMUNDAR"
Einu sinni átti Sæmundur fróði mikið
af þurri töðu undir. en rigningarlega
leit út. Hann biður því allt heimafólk
sitt að reyna að ná heyinu saman und-
an rigningunni. Kerling eiri var hjá hon-
um i Odda, mjög gömul, er Þórhildur
hét; prestur gengur til hennar og biður
hana að reyna að haltra út á túnið og
raka þar dreifar. Hún segist skuli reyna
það, tekur hrifu og bindur á hrífuskafts-
endann hettu þá, sem hún var vön að
hafa á höfðinu, og skjöktir svo út á
túnið. Áður en hún fór, segir hún við
Sæmund prest, að hann skuli vera í
garðinum og taka á móti heyinu, því
vinnumennirnir verði ekki svo lengi að
binda og bera heim. Prestur segist
skuli fylgja ráðum hennar t þvi, enda
muni þá bezt fara.
Þegar kerlingin kemur út á túnið,
rekur hún hrífuendann undir hverja sátu,
sem sætt var, og segir: „Upp t garð
til Sæmundar." Það varð að áhríns-
orðum, því hver baggi, sem kerling
renndi hrifuskaftinu undir með þessum
ummælum, hvarf jafnóðum heim í
garð.
Sæmundur segir þá við kölska og
ára hans, að nú sé þörf að duga að
hlaða úr.
Að skömmum tíma liðnum var allt
heyið komið í garð undan rigningunni.
Á eftir sagði Sæmundur við kerlingu:
„Eitthvað kannt þú, Þórhildur min.“
Hún segir: ,,Það er nú lítið orðið og
mestallt gleymt, sem ég kunni í ung-
dæmi mínu."
PÚKABLÍSTRAN
Sæmundur fróði átti pípu eina, sem
hafði þá náttúru, að þegar í hana var
blásið, þá komu einn eða fleiri púkar
til þess, sem í hana blés, og spurðu,
hvað þeir ættu að gjöra.
Einu sinni hafði Sæmundur skilið píp-
una eftir i rúminu sínu, undir höfðalag-
inu, þar sem hann var ætíð vanur að
hafa hana á næturnar. Um kvöldið sagði
hann þjónustustúlkunni að búa um sig,
eins og vant væri, en tók henni vara
fyrir því, að ef hún fyndi nokkuð óvana-
legt í rúminu, þá mætti hún ekki snerta
það, heldur láta það vera kyrrt á sínum
stað.
Stúlkan fór nú að búa um og varð
heldur en ekki forvitin. þegar hún sá
pípuna. Hún tók hana óðar, skoðaði
hana í krók og kring, og seinast blés
hún í hana. Kom þá óðar til hennar
púki einn og spurði: ,,Hvað á ég að
gjöra?"
Stúlkunni varð bilt við, en lét þó ekki
á því bera. Svo stóð á, að um daginn
hafði verið slátrað tíu sauðum hjá Sæ-
mundi, og lágu allar gærurnar úti.
Stúlkan segir þá púkanum. að hann
eigi að telja öll hárin á gærunum, og
ef hann verði fljótari að þvi en hún að
búa um rúmið, þá megi hann eiga sig.
Púkinn fór og kepptist við að telja,
og stúlkan hraðaði sér að búa um.
Þegar hún var búin, átti púkinn eftir að
telja á einum skæklinum, og varð hann
þá af kaupinu.
Sæmundur spurði síðan stúlkuna,
hvort hún hefði fundið nokkuð i rúminu.
Hún sagði frá öllu eins og var, og lik-
aði Sæmundi vel ráðkænska hennar.
Vestur-Evrópu og liggur að Norðursjó.
Stærð landsins er 13.500 fermílur og
íbúatala landsins var í ársbyrjun 1969
12.810.000.
Meginhluti landsins er algjört flat-
lendi, og um það renna margar ár og
fljót. Stærstu fljótin eru Maas, Yssel,
Scheidt og Rín.
Ríkisstjórnin hefur aðsetur í Haag,
og er íbúatala borgarinnar um 576.000.
Hún er rúmlega 20 kílómetra norðvest-
ur af Rotterdam. Tungumál Hollendinga
er hollenzka. Hún er mjög skyld lág-
þýzku og forn-ensku. Hún er töluð um
allt Holland, en einnig í nokkrum hlut-
um Belgíu og nokkuð í löndum þeim,
sem voru fyrrum nýlendur Hollands.
í Hollandi eru gefin út tíu þjóðar-
dagblöð, en auk þeirra kemur út mikið
af dagblöðum fylkja og héraða.
Myndin sýnir kort af Hollandi.
Sæll er sá maður, sem stenzf freist-
ingu, þvi að þegar búið er að reyna
hann, þá mun hann öðlast kórónu lifs-
ins.
JAKABS BREF.
Drykkjuskaparbölið hefur eyðilagt líf
fleiri manna en nokkuð annað.
ANDREW CARNEGIE.
Áfengið gerir ekkert nema illt.
TOLSTOJ.
Ekkert stríð hefur orsakað eins mikla
eymd, kvöl og dauða og áfengisnautnin.
CHARLES DARWIN.
41