Valsblaðið - 01.05.1986, Blaðsíða 23

Stórgóður árangur þrátt fyrir miklar
breytingar
Valur var aS mörgu leyti óþekkt stærð í
byrjun sumars 1986 því miklar manna-
breytingar urðu á liðinu sem og áður.
Nokkrir gamalreyndir landsliðskappar
ýmist lögðu skóna á hilluna eða brugðu
sér í atvinnumennsku og því var óvíst um
árangur liðsins. Ian Ross hafði ekki miklar
áhyggjur af því þótt aðeins lengri tíma
tæki fyrir hann að móta til nýtt lið. Nokkrir
góðir leikmenn gengu til liðs við Val og
voru leikmenn bjartsýnir.
Leikir Vals í 1. deild hófust á hefð-
bundinn hátt tvö töp og allt í volli. I
kjölfarið fylgdi góður sigur í Keflavík - 4:0
og þá fór boltinn að rúlla að nýju. Fram
náði góðri forystu að vanda en Val óx
ásmegin og saxaði jafnóðum á forskotið.
Forystan var í höndum Vals að loknum 17
umferðum en þá kom martröðin gegn KR
á heimavelli - 0:3 tap og draumurinn var
á enda. Þrátt fyrir sigur í síðasta leik uppi á
Skaga dugði það ekki því Fram vann Is-
landsmótið á hagstæðari markatölu -
minna gat það vart verið. Þrátt fyrir von-
brigði um stundarsakir eru menn ánægðir
þegar á heildina er litið. Fæstir bjuggust
við að Valur gerði stóra hluti í sumar en
liðið er nú til alls líklegt og hefur endur-
ráðið Ian Ross. Hann mun því stjórna Val
fjórða árið í röð og sýnir það best
hæfileika hansog hversu vel störf hans eru
metin.
Nokkrir gamlir refir hafa gengið til liðs við
Val og nægir þar að nefna Valsarana Inga
Ingvar Guðmundsson eflist með hverjum
leik. Ef hann skorar færri en 5 mörk
næsta sumar ætti hann að snúa sér að
fimleikum eða frímerkjasöfnun.
Fjórír af framtíðarleikmönnum Vals léku með 3. flokki síðastliðið sumar. Frá vinstri:
Arni Jónsson, Dagur Sigurðsson, Steinar Adolfsson og Gunnar Már Másson.
Björn Albertsson, Njál Eiðsson og Sævar
Jónsson. Hörður Hilmarsson hefur og
verið ráðinn aðstoðarþjálfari Ian Ross og
er liðið til alls líklegt næsta sumar.
En hvað Bikarkeppnina varðar þá
verða þar framfarir hjá Valsliðinu frá ári til
árs. I fyrra komst liðið í 8 liða úrslit í ár í 4
liða úrslit og vonandi verður létt heljar-
stökk tekið næsta sumar og drifið í úrslita-
leik. Það fer að koma tími á úrslitaleik í
bikarnum hjá félaginu.
Stúlkurnar í Val áttu gjörsamlega
sumarið og unnu allt sem hægt var að
vinna. Þær báru höfuð og herðar yfir
stöllur sínar í hinum liðunum og virtust
leika við hverja tá. Valkyrjurnar sigruðu og
í bikarkeppninni og eru sannast sagna
flokkur ársins hjá Val. Um árangur
annarra flokka hjá Val er fjallað annars
staðar í blaðinu svo og um þátttöku Vals í
Evrópukeppni meistaraliða.
Astæða þess að ekki er betur fjallað um
yngri flokkana í grein þessari svo sem
Reykjavíkurmót, haustmót og fleira í þeim
dúr, er að upplýsingar þess efnis liggja
ekki á lausu en vonandi verður gerð brag-
arbót þar á og allt skráð í bækur.
Þorgrímur Þráinsson.
Bergþór Magnússon hefur vonandi náð
sér af bakmeiðslunum. Hann lék sem
hægrí bakvörður í síðustu leikjum sum-
arsins og stóð sig „brilljant”. Pottþéttur
leikmaður.
Ámundi Sigmundsson stóð sig frábær-
lega sitt fyrsta sumar með Val. Þrátt fyrir
uppskurð á tá ætti hann að geta haldið
uppteknum hætti næsta sumar.
VALSBLAÐIÐ 23