Valsblaðið - 01.05.1986, Qupperneq 20

KNATTSPYRNANIVAL
FRÁ OG MEÐ 1982
Magni Blöndal Pétursson í baráttu við
Michael Laudrup í leik Vals og Juventus
á Laugardalsvellinum.
SumariS 1982 í 1. deild verður lengi í
minnum okkar Valsmanna. Albert Guð-
mundsson hóf að leika með Val að nýju
eftir tveggja ára atvinnumennsku í Banda-
ríkjunum og voru menn bjartsýnir á
sumarið. Albert náði þó ekki að leika
nema tvo leiki með Val er félagið var kært
fyrir það að nota ólöglegan leikmann.
Ekki verður fjallað um réttmæti þess dóms
að dæma Albert ólöglegan en sjaldan
hefur Valsliðið lent í eins mikilli fallhættu í
1. deild eftir að hafa misst þessi fjögur stig.
Liðið var sent niður í neðsta sæti 1.
deildar þegar 12 umferðir voru liðnar af
mótinu og höfðu drengir séra Friðriks því
4 leiki til að bjarga sér frá falli. Eins og
öllum er kunnugt er Valur eina lið 1.
deildar sem aldrei hefur leikið í 2. deild og
því var til mikils að vinna. Valsliðið sýndi
mikinn karakter það sem eftir var mótsins,
hafnaði í5. sæti ídeildinni aðeins 6 stigum
á eftir meisturum Víkinga. Vart
þarf að spyrja að því að liðið hefði
blandað sér í toppbaráttuna ef stigin
fjögur hefðu ekki glatast. Góður mann-
skapur var í Val sumarið 1982 en þrátt
fyrir það var spilamennskan ekki eins og til
var vænst. Þjálfari liðsins var Þjóðverjinn
20 VALSBLAÐIÐ