Valsblaðið - 01.05.1986, Blaðsíða 44

ósagt látið en við horfum að sjálfsögðu
fram veginn. Haldið var í nokkurra daga
frí til Nice í Frakklandi eftir leik og ég veit
ekki betur en að menn hafi skemmt sér
vel. Sumir villtust milli herbergja og sváfu
ýmist milli félaganna eða hreinlega á
gólfinu. Við nefnum engin nöfn í þessu
sambandi en fyrsti stafurinn er Beggó!!!
Markaleysi í kulda' og trekki
kúri ég volandi!
Nú, seinni leikurinn gegn Juventus fór
fram í ískulda á Laugardalsvellinum 1.
október. Okkur til mikillar mæðu féll fyrsti
snjórinn á íslandi þennan kalda dag og
dró það verulega úr aðsókn. Rúmlega
6000 manns iögðu leið sína til þess að sjá
snillinga liðanna etja af kappi en líkast til
hefði mátt tvöfalda þá tölu ef veðurguð-
irnir hefðu ekki verið í fýlu. Leikurinn var
skemmtilegur á að horfa — held ég og
sigraði Juventus með fjórum mörkum
gegn engu okkar Valsmanna. Þetta var
„one of these days” sem mönnum voru
gjörsamlega mislagðir fætur uppi við
mark andstæðinganna. Við fengum mý-
grút af færum en ekki vildi boltinn í ítalska
netið. Himmi Sighvats kiksaði f ágætis
færi þegar markvörðurinn skrapp í kaffi.
Sigurjón komst einn í gegn en löppin
skaut of fljótt og sömuleiðis komst Ámi
einn í gegn en skaut öfugu megin í netið.
Leikmenn Juventus fengu álíka þokkaleg
færi og við og þar sem þeir fá borgað fyrir
að skora voru þeir ekkert að klúðra. Þeir
nýttu færin en við ekki og það gerði
gæfumuninn. Annars skiptist leikurinn í
tvennt — með hálfleik að sjálfsögðu en
það sem ég vildi sagt hafa er að Juventus
sótti undan vindi í fyrri hálfleik en við að
sama skapi í síðari hálfleik. — Sanngjarnt
með smá hlutdrægni hefði leikurinn þess
vegna getað endað 3-3. Víst hefði hann
getað endað svo EF — EF — EF!
EN vonandi fengu áhorfendur eitt-
hvað fyrir sinn snúð — að minnsta kosti
fékk heppinn áhorfandi bíl að leik lokn-
um. Þrátt fyrir kaldar tær og frosin bros að
leik loknum tókst okkur að þýða limina í
heitri sturtu og voru menn ánægðir með
leikinn — en ekki úrslitin eins og fyrri
daginn. Leikmenn Juventus létu vel af
heimsókninni til Islands og þótti margt til
landsins koma.
Stóri bróðir yfirgaf Island daginn eftir og
trónir nú á toppi ítölsku deildarinnar. Litli
bróðir sat eftir heima á litla landinu og
horfir björtum augum til framtíðarinnar —
og setur stefnuna að sjálfsögðu hátt næsta
sumar.
Það var hart barist í leik liðanna — Ingvar Guðmundsson í karate-stökki gegn einum
röndóttum.
Framlínumönnum Vals voru mislagðar fætur á Laugardalsvellinum og áttu ekki í erfið-
leikum með að skjóta framhjá marki Juventus.
Hilmar Sighvatsson og Michel Platini í léttum leik.
44 VALSBLAÐIÐ