Valsblaðið - 01.05.1986, Blaðsíða 34

Torfi Magnússon fyrirliði Vals.
leikmanna. Þau háskólalið sem ég hef
þjálfað í Bandaríkjunum hafa ekki verið
mjög hátt skrifuð en engu að síður ætti
ísienska landsliðið ekki möguleika gegn
þeim. Getumunurinn er einfaldlega of
mikill. Annars sá ég Pétur Guðmundsson
leika í fyrra og stóð hann sig mjög vel nú
er hann meiddur. Eg tel það mjög gott
fyrir íslenskan körfubolta að eiga leik-
mann í NBA-deildinni því það eykur
áhuga drengja á íslandi og þeir hafa ein-
hvern að líta upp til.”
— Telurðu æskilegt fyrir íslenskan
körfubolta að fá hingað til starfa erlenda
þjálfara?”
,,Eg held að það sé alltaf gott að fá inn
nýjar hugmyndir og nýjar þjálfunar-
aðferðir. Sérstaklega fyrir yngri strákana
sem eru að þroskast og hafa mikinn áhuga
á að læra. Einnig tel ég mjög æskilegt fyrir
bandaríska þjálfara að fara úr heimalandi
sínu og kynnast körfubolta í öðrum
löndum.”
— Gætirðu hugsað þér að taka uið ís-
lenska landsliðinu í körfubolta?”
„Einar Bollason hefur verið ráðinn til
þriggja ára en ég hef látið það í ljós við
hann að ég sé tilbúinn að hjálpa honum ef
hann þarf á mér að halda. Ég hef mikinn
áhuga á að verða íslenskum körfubolta til
framdráttar. ”
Jean West, eiginkona Jon West, lék
með háskólaliðum í Bandaríkjunum, en
hér á landi er hún þjálfari og leikmaður
með IS í 1. deild. „Stelpurnar leggja mjög
hart að sér við æfingar, eru opnar fyrir
nýjungum og notfæra sér þær,” segir
Jean, sem hefur tveggja ára reynslu að
baki sem þjálfari heimafyrir.
Að sögn líkar þeim West-hjónum mjög
vel á Islandi og gætu vel hugsað sér að
dvelja hér lengur en eitt ár þótt samningar
þeirra hljóða ekki upp á lengri tíma. ,,Ef
hlutirnir ganga upp hjá okkur gætum við
vel hugsað okkur að koma aftur að loknu
yfirstandandi keppnistímabili. Hér er gott
að vera eins og við sögðum áðan og við
höfum eignast marga vini. Allir vilja hjálpa
okkur af fremsta megni og reyna að gera
dvöl okkar sem ánægjulegasta. Mér finnst
mjög gaman að starfa fyrir Val sem er
félag í hæsta gæðaflokki og í fararbroddi í
öllum greinum. Stjórnarmenn sem aðrir
eru mjög samvinnuþýðir og reynslan af
starfinu er góð. Hingað til hefur allt gengið
upp og okkur líður eins og heima,” sagði
Jon West að lokum.
Auðbrekku4
200 Kópavogi
sími 91-43244
Höfum ávallt fyrirliggjandi
mikið úrval af
verðlaunagripum
34 VALSBLAÐIÐ