Almanak Ólafs S. Thorgeirssonar - 01.01.1940, Síða 71

ALMANAK 1940
71
þrjár messur frá þjónandi presti Garðar-safnaðar
(er einnig hafði gengið úr kirkjufélaginu). Ágrein-
ingurinn var aldrei meiri en það að hvorir tveggja
sóttu allar messurnar og borguðu þær í sameiningu,
sem áður. Ýmsa presta sendi kirkjufélagið á þeim
árum, svo sem eins og séra Carl Olson, séra Guttorm
Guttormsson, séra Hjört Leó, séra Níels Þorláks-
son, séra Friðrik Hallgrímsson og fleiri. En þeir
prestar er þjónuðu söfnuðinum voru: séra Friðrik
Bergmann, séra Lárus Thorarinsen, séra Magnús
Jónsson (nú dósent við Háskóla íslands, séra Magnús
var sonur séra Jóns Magnússonar fyrverandi prests
að Ríp í Skagafirði, kom hann (séra Jón) vestur um
haf og dvaldi nokkur ár hér í bygð, flutti héðan til
Winnipeg Beach og síðan til íslands aftur, nú dáinn
fyrir nokkrum árum síðan. Var hann skýrleiks og
fræðimaður mikill).
Séra Páll Sigurðsson var síðasti prestur er
frjálslyndi söfnuðurinn hafði, því um hans daga hér,
gekk söfnuðurinn aftur í kirkjufélagið en séra Páll
vék sér til íslands, er honum hafði tekist að sameina
Garðar-söfnuð og fleiri. Síðan hefir séra Haraldur
Sigmar þjónað söfnuðum hér og syðra.
Þar sem hér hefir aldrei verið neinn prestur
heimilisfastur, urðu bygðarmenn að undirbúa börn
sín til fermingar, hlaut þann starfa fyrstur Árni
Sigurðsson, var hann því verki vel vaxinn. Þegar
hann svo flutti burt tók við nafni hans, Árni Tómas-
.son og hafði hann jafnan 'þann starfa unz hann dó,
og tókst prýðilega. (Síðan hans misti við hefir Guð-
rún dóttir hans tekið við þeim starfa).
í safnaðarnefndum hafa þessir mest unnið: J. S.
Gillis, T. J. Gíslason, Árni Tómasson, Árni Sigurðs-
son, Árni H. Helgason, Árni Ólafsson, T. 0. Sigurðs-
son, Tómas Jóhannsson og fl. Sunnudagaskóli var
snemma stofnaður. Aðal kennarar voru þær Lovísa
Gíslason og Guðrún Tómasson og fleiri, um mörg ár.