Almanak Ólafs S. Thorgeirssonar - 01.01.1941, Blaðsíða 80
80 ÓLAFUR S. THORGEIRSSON:
Johnson, útgerðarmanns þar í bæ, er lézt fyrir
skömmu síðan. Lét hann eftir sig $15,000 sem
grundvallar-upphæð að stofnun héraðssjúkrahúss
að Gimli.
5. febr.—Dr. Vilhjálmur Stefánsson landkönn-
uður kosinn heiðursfélagi í The American Polar
Society. Er það mjög fágæt heiðursviðurkenning.
8. febr.—Fiðluhljómleikar þeir, er ungfrú
Pearl Pálmason efndi til að kvöldi þess dags í
sönghöll Winnipeg Auditorium, voru mikil sigur-
vinning fyrir hina ungu listakonu; aðsóknin ágæt
og hrifning áheyrenda að sama skapi. Ungfrú
Snjólaug Sigurðsson annaðist undirspilið á slag-
hörpu af mikilli prýði.
11. febr.—Lézt á sjúkrahúsi í Montreal hinn
ástsæli landsstjóri Canada, íslandsvinurinn
Tweedsmuir lávarður, rúmlega 64 ára að aldri.
Hann var heiðursverndari Þjóðræknisfélags Is-
lendinga í Vesturheimi og lét á ýmsan annan hátt
í ljósi góðhug sinn til þeirra, svo sem með heim-
sókn sinni til Gimli fyrir þremur árum síðan og
ræðu sinni við það tækifæri.
19.—21. febr.—Tuttugasta og fyrsta ársþing
Þjóðræknisfélagsins haldið í Winnipeg við mikla
aðsókn. Dr. Richard Beck, er verið hafði vara-
forseti félagsins sex undanfarandi ár, kosinn for-
seti, í stað dr. Rögnvaldar Péturssonar, er lézt
stuttu áður en þing kom saman. — Á fundi stjórn-
arnefndar litlu síðar var Gísli Jónsson, prent-
smiðjustjóri í Winnipeg, kosinn ritstjóri Tíma-
rits félagsins, er dr. Rögnvaldur hafði annast frá
því að ritið hóf göngu sína fyrir 20 árum síðan.
21. febr.—Skáldkonan Laura Goodman Salv-
erson, fröken Halldóra Bjarnadóttir og alþingis-