Almanak Ólafs S. Thorgeirssonar - 01.01.1945, Blaðsíða 26

26
ÓLAFUR S. THORGEIRSSON:
Forseta íslands, og að Stjórnarráðshúsinu, en umhverfis
það söfnuðust menn saman til þess að hlýða á ræðuhöld
þau, er þar fóru fram.
Flutti Forseti gagnhugsaða og mjög efirtektarverða
ræðu til þjóðarinnar, en formenn þingflokkanna, þeir
Ólafur Thors, núverandi forsætisráðherra, Eysteinn Jóns-
son, Einar Olgeirsson og Haraldur Guðmundsson ávörp-
uðu einnig mannfjöldann með snjöllum ræðum.
Milli ræðanna og að þeim loknum lék lúðrasveit ætt-
jarðarlög, og var athöfn þessi við Stjórnarráðshúsið hátíð
leg mjög.
Síðar um daginn var opnuð fjölþætt og merkileg sögu-
sýning úr frelsis og menningarbaráttu Islendinga á liðn-
um öldum; síðdegis fór einnig fram skrúðganga íþrótta-
manna og íþróttamót þeirra, söngur og hljómleikar. En
hátíðahöldunum lauk með veglegri og fjölmennri veizlu
ríkisstjórnarinnar.
Mátti það með sanni segja um lýðveldishátíðina í
heild sinni, þrátt fyrir það hve veðrið var óhagstætt á
Þingvöllum, að hún hafði farið hið besta fram, með
myndarskap og virðuleika, sæmandi tímamótunum
miklu, sem hún markaði í sögu þjóðarinnar. Þessi einstæða
hátíð hafði einnig, eins og þegar er gefið í skyn, dregið
athygli menningarþjóða víðsvegar um lönd að Islandi,
en með þjóðinni sjálfri höfðu hátíðahöldin glöggvað
skilninginn á söguríkri fortíð hennar, hlutverki hennar í
framtíðinni, og vakið hjá henni sterkari einingaranda.