Almanak Ólafs S. Thorgeirssonar - 01.01.1945, Blaðsíða 44
44
ÓLAFUR S. THORGEIRSSON:
og bjó þar á Þykkvabæ í Fljótsbyggð. 34) Jóhanna giftist
aftur og býr enn háöldruð í Oak Point, skammt frá Lund-
ar. Dætur hennar fóru til Winnipeg og giftust þar. Eirík-
ur býr enn í Nýja Islandi.
Árið 1888 fór líka Anna Helga Helgadóttir vestur um
haf. Hún var dóttir þeirra hjónanna Helga Gunnlaugs-
sonar frá Flögu og Sigríðar Gísladóttur Halldórssonar frá
Krossgerði. Var hún fædd í Krossgerði, en fyrstu sex ár
æfinnar var hún hjá afa sínum og ömmu í Flögu. Þá fór
hún til foreldra sinna í Gautavík, en þaðan sextán ára í
vistir til Stöðvarfjarðar. Þar var hún í Löndum hjá Sigurði
Daníelssyni og fór með honum að Kolmúla. Þaðan fór
hún vestur á eftir unnusta sínum Guðmundi Helgasyni.
Þau giftust og settust að á Strönd í Árnesbyggð; þar hefur
Anna verið Skólakennari og ástsæl mjög. 35)
önnur börn Helga Gunnlaugssonar, systkini Önnu
voru: Gísli Helgason, kaupmaður í Reykjavík; Jón Helga-
son, prentari og útgefandi í Reykjavík; Gunnlaugur
Helgason, bóndi á Gilsá og víðar, Þorvarður Helgason,
bóndi á Skriðu og víðar, og Snjólfur Helgason, bakari í
Stavangri, Noregi. Þeir Gunnlaugur og Þorvarður fluttu
í nágrenni Reykjavíkur og þar dó Gunnlaugur. Snjólfur
mun og vera dáinn. Gísli dó ungur, en hann átti mörg
börn. Áf þeim fóru þrír drengir: Jón Hjaltalín, Helgi
Ingólfur og Garðar vestur um haf á vit Önnu frænku
sinnar. Tveir þeirra fóru þó aftur heim, en Jón dó í Win-
nipeg frá konu og börnum.
Með Önnu varð samferða vestur 1888 Hildur Jónasar-
dóttir frá Höskuldsstaðaseli og dóttir hennar Ragnheiður.
Hildur var systir Magnúsar Jónassonar, er vestur fór
1878. Hún hafði verið gift hinum nafnkunna atorku-
manni Jóni Finnbogasyni, en þau skildu, og þegar hún
flutti vestur, var hún á Valþjófstað með dóttur þeirra.
34) ThJ. Frá austri til vesturs, 144—46.
35) ThJ. Frá austri til vesturs, 218—19.