Almanak Ólafs S. Thorgeirssonar - 01.01.1945, Síða 43
ALMANAK
43
dóttur Guðmundar frá Tóarseli; þau búa vestur við Kyrr-
ahaf. Gunnlaugur dó víst fyrir aldamót, en Lukka eldri
fór með börn sín og stjúpdóttur til Winnipeg; og þar hafa
þau aukið kyn sitt. Lukka dó í Winnipeg 1916.
Sumarið 1887 fór líka vestur frá Bjargi á Gilsárstekk
Guðjón Jónsson hins ríka, sem áður er um getið, með
konu sína Arnleifu Gunnlaugsdóttur og tvær dætur. Þau
fluttu á vit frændfólksins í Argyle. Hann var fæddur á
Skriðu 1847, en dó 1920. Arnleif dó 1929 85 ára gömul.
Með Guðjóni fór líka svili hans, Sveinn Björgólfsson.
með konu sína Þorbjörgu Gunnlaugsdóttur, systur Arn-
leifar, og fjögur börn: Ingibjörgu (dáin), Björgólf, Þór-
unni og Gunnlaug. Þau Sveinn og Þorbjörg höfðu búið
um stund á Gilsárstekk, áður þau færu vestur; þau fóru
líka til Argyle. Sveinn dó þar 1921, þá 87 ára, en Þorbjörg
1925.
Ekki er ólíklegt, að Ragnheiður Friðfinnsdóttir frá
Þorvaldstöðum hafi orðið þessum hóp samferða vestur
til föður síns, Friðfinns Jónssonar, bónda í Argyle. Hún
er talin hafa komið vestur 1887. 33)
Loks hefur víst farið með þessum hóp Sigurður Jónas-
son frá Höskuldsstöðum, sonur Jónasar Jónssonar, sem
getið er meðal fyrstu vesturfaranna hér að framan. Hvert
hann fór veit eg ekki, ef til vill til föður síns í Omaha.
Árið eftir hið mikla útflutningsár fóru enn nokkrir
Breiðdælir vestur.
Jóhanna Antoníusardóttir frá Ásunnarstöðum fór
vorið 1888 vestur um haf. Bóndi hennar Þorsteinn Eiríks-
son hafði dáið áður um veturinn. Hún fór með þrjár
dætur þeirra og einn dreng, Eirík, sem Þorsteinn átti, til
Nýja Islands á vit við foreldra sína, er þar bjuggu þá.
Faðir hennar var Antoníus Eiríksson frá Steinaborg á
Berufjarðarströnd; hann hafði flutt til Nýja Islands 1879
33) ÓSTh. 1939, 42-43.