Almanak Ólafs S. Thorgeirssonar - 01.01.1945, Blaðsíða 85

ALMANAK
85
ætíð gengið sigri hrósandi af hólmi. Sat liann í 17 ár
samfleytt sem sveitarráðsmaður eða þar til hann haustið
1943 var kosinn oddviti (Reeve) gagnsóknarlaust. Gunn-
ar J. Ólafson er ágætur drengur eins og hann á kyn til
í báðar ættir, og nýtur almennra vinsælda bæði meðal
land sinna, sem og meðal hérlendra manna, hann hefur
aldrei sótt eftir embættum, en hann hefur í öllu tilliti
verið ósérhlífinn, og ætíð reiðubúinn að taka byrðar sér
á herðar, þegar mannfélagið hefur krafist þess.
Síðan 1909 hefur heimili Gunnars verið í hinum fagra
Assiniboia árdal 14 mílur norðaustur frá Glenboro á
heimilisréttarlandi Péturs Pálssonar en það land nam
hann laust eftir 1890, og bjó þar til 1909 að hann brá búi,
og þá fluttu foreldrar Gunnars þangað. Átti Gunnar oft
erfitt afstöðu að sinna starfi sínu sem sveitarráðsmaður
svo langt af alfaraleið sérstaklega á vetrum er snjór var
yfir alt, og vegir ófærir, mátti hann oft bíta á jaxlinn í
40 gr. frosti fyrir neðan 0 á Fahrenheit, og stundum í
stórhríðarbyljum, en það kom honum að góðu haldi að
hann ólst upp við hörkuveður um sléttur og skóga bygð-
arinnar oft illa búinn eins og títt var á fyrri árum,—var
það alls ekki óalgengt að menn væru úti allann daginn í
hörkuveðrum án þess að hafa loðhempur eða yfirhafnir—
aðeins þeir sem sjálfir hafa reynt það geta gjört sér grein
fyrir því hvað það var að vera úti í vetrarhörkunum í
Manitoba illa klæddir og stundum hungraðir dag eftir
dag, en það hleypti hita í blóðið og stælti viljann. Sýndi
Gunnar jafnan karlmannslund og manndáð án yfirlætis.
Nú hefur Gunnar flutt burt úr sínum gömlu átthög-
um í Hólabygðinni. Keypti hann kosta bújörð við vestur
takmörk Glenboro bæjar og þangað flutti hann í ár, og er
hann nú betur settur að sinna málum sveitarinnar, er
hann löngu búinn að vinna fyrir því að fá betri afstöðu
og njóta meiri lífsþæginda er árin færast yfir hann.
Kona Gunnars er Emily Johnson frá Grand Forks,