Almanak Ólafs S. Thorgeirssonar - 01.01.1945, Blaðsíða 31

ALMANAK
31
Hugsast gæti, að Guðbjörg Ámadóttir hefði orðið
honum samferða að vitja unnusta síns.
II.
Vesturfarir hefjast úr Breiðdal fyrir alvöru árið 1876.
Þá flytur þaðan Jón ríki Jónsson á Gilsárstekk með konu
sína, Guðnýju Sigurðardóttur og eitthvað af börnum og
skylduliði. Jón ríki var sonur Jóns bónda Guðmundsson-
ar í Kelduskógum á Berufjarðarsti'önd og Guðrúnar,
dóttur Guðmundar prests Skaftasonar í Berufirði. Guðný,
kona Jóns ríka, var dóttir Sigurðar bónda Antoníusarson-
ar á Skála. Þar á Skála kom upp hinn frægi draugur Skál-
abrandur og fylgdi þessu fólki, sumir sögðu jafnvel vestur
um haf. 6)
Með Jóni ríka var a. m. k. dóttir hans Guðrún Helga,
systurson hans og bróðurson konu hans, Sigurður Anton-
íusson og ungur maður, Árni Sveinson frá Tungu í Fásk-
rúðsfirði. 7)
Þetta fólk fór fyrst til Nýja Islands, en síðan til Argyle
(1882) og settist þar að. Þar giftust þau Árni og Guðrún
og urðu nafnkunnir héraðshöfðingjar. 8) Guðjón, sonur
Jóns, vildi ekki fara vestur með föður sínum, heldur
byggði hann bæ á Bjargi (Gilsárstekk) og bjó þar, þangað
til hann fór vestur um haf 1887. Ingibjörg Jónsdóttir kvað
ekki hafa komið vestur fyrr en 1893. Hún giftist vestra
Guðmundi Jónssyni úr Vopnafirði; þau bjuggu fyrst í
Álftárdal, síðan í Winnipeg og síðast í Baldur, Argyle. 9)
Var Guðrún Jónsdóttir frá Gilsárstekk gift Páli Guðnasyni
í Vatnabyggð og Argyle ein af þessum systmm? 10) Ing-
ibjörg Hóseasdóttir kannast ekki við hana, en hún nefnir
tvær aðrar dætur Jóns ríka, Sigurbjörgu og Guðnýju.
Segir hún allt þetta frændfólk hafi búið í Argyle.
6) Sigfús Sigfússon, Isl. Þjóðsögur og - sagnir III, 182 o. n.
7) Óðinn 1913, IX, 27.
8) ÓSTh. 1903, 96; 1939, 24; 1941, 66.
9) ÓSTh. 1923, 81. 10) ÓSTh. 1919, 39.