Kirkjuritið - 01.07.1937, Page 56

294
Erlendar fréttir.
Kirkjuritið.
Dómkirkjunni um kristindóm og kirkju. Sambandsstjórn skipa
nú: Sigurbjörn Á. Gislason, cand theol., forseti, Bjarni Eyjólfs-
son, varaforseti, Sigurjón Jónsson, bóksali, ritari, Jóel Ingvars-
son, Hafnarfirði, vararitari, Hróbjartur Árnason, verksmiðju-
eigandi, gjaldkeri, Stefán Sandholt, hakarameistari, varagjald-
keri og Ebenezer Ebenezersson, vélstjóri.
ERLENDAR FRÉTTIR.
Evangeliska kirkjan og bræðrastríðið á Spáni.
Alþjóðanefnd evangelisku kirkjunnar, sem starfar fyrir Spán,
hélt fund í París í apríllok. Sóttu fundinn fulltrúar frá flestum
þeim söfnuðum eða félögum, sem vinna hjálparstörf eð'a trú-
boðsstörf á Spáni. Nefndin rannsakaði skýrslur úr öllum áttum
mjög nákvæmiega og komst að raun um það, að fleiri prestar
og munkar hefðu verið skotnir þar, sem stjórnleysingjar og
kommúnistar hafa undirtökin. Jafnframt kom það i ljós, að 8—9
kennimenn Mótmælenda hefðu verið teknir af lífi i þeim héruð-
um, sem hersveitir Francos hafa á valdi sínu. Bæði Valenciu-
stjórnin og Franco lýstu því yfir, að verndarhendi skyldi hald-
ið yfir evangelisk-kristnum mönnum á Spáni og fult trúfrelsi
veitt, og fagnaði nefndin því. Mótmælendur á Spáni leitast af
fremsta megni við að sneiða hjá stríðinu og stjórnmálunum, en
mjög er sótt á þá frá báðuin hliðum.
Kaþólska kirkjan á Þýzkalandi.
Kyrkliga Pressbyrán í Uppsöhim minnist nýlega á þær raun-
ir, sem dunið hafa yfir kaþólsku kirkjuna á Þýzkalandi, og
fer um þær m. a. þessum orðum:
„Fyrir tveimur mánuðum voru um 1000 munkar og klaustur-
hræður á Þýzkalandi kallaðir fyrir rétt og ákærðir fyrir mjög
Ijót siðferðisbrot. Ákærandinn i Coblenz skýrði frá þvi, að
innan skamms myndi heil munkaregla skipa sakamannabekk
og enginn hennar reynast sýkn. Það kom fljótt í ljós við rétt-
arhöldin, að ýmsir tignir embættismenn kaþólsku kirkjunnar
væru bendlaðir við þessi hneykslismál. Biskupinn i Mainz sagði
fyrir rétti í Coblenz, að hann vissi um þau, en vildi ekki greina
frá þeim nánar.
Þessi málaferli út af siðleysi i klaustrunum hafa vakið mestu
athygli I öllu landinu, og þykir sumum jafnvel sem nú muni