Kirkjuritið - 01.07.1937, Side 58

296
Erlendar fréttir.
KirkjuritiÖ.
við guðleysið og verði mikið ágengt. Þau krefjast þess, að stjórn-
arflokkurinn og ríkið haldi áfram baráttunni gegn trúnni og
sett verði ákvæði í stjórnarskrána, er reisi frjálsri guðsdýrkun
skorður. Bændum og verkamönnum skuli bannað að ganga i
trúfélög, og sérstaklega beri að hafa vakandi auga með æskunni.
Börn og unglingar frá 6 ára aldri og til tvítugs eigi ekki að fá
að fara í kirkju og enginn ganga í kirkjulegt félag fyr en hann
sé orðinn fullmyndugur. Kirkjum, sem opnaðar hafa verið sam-
kvæmt fyrirmælum nýju stjórnarskrárinnar, skuli aftur lokað
og skattur lagður á safnaðarguðsþjónusturnar; hann renni svo
til guðleysishreyfingarinnar.
Yfir þúsund ára gömlu klaustri skamt frá Kiev hefir verið
jafnað við jörðu og eyddust við það miklar og merkar forn-
menjar. Kvöldið fyrir páska hjá Rússum sprengdu hermenn
þeirra dómkirkjuna í Tula í loft upp.
í aðaiblaði i Moskva, Iswestia, er nýlega barmað sér yfir þvi,
að áhrif trúarinnar og kirkjunnar á múginn séu enn sem fyr
of mikil. Ekkja Lenins, N. Krupskaja, skrifaði í það fyrir
skömmu, að börn þau, sem færu í kirkju, hegðuðu sér yfirleitt
betur en jafnaldrar þeirra, sem færu ekki. „Þetta“, segir hún,
„veldur áhyggjum þeim foreldrum, er vita ekki, hvernig þau
eiga að ala upp börn sín“. Náttúruvísindin hafa ekki megnað
að útrýma trúnni, eins og menn vonuðu. Krupskaja telur áróð-
ur guðleysingjanna liafa verið of lágsigldan og með því hafi
þeir unnið sjálfum sér tjón. Þeir hafi lokað augunum fyrir
því starfi, sem kirkjan hafi unnið að almanna heill, og hve
djúpt rætur liennar standi í lifi og sögu þjóðanna. Þetta verði
menn að skilja. Greinin endar á hvatningu til öflugra slríðs
gegn trúnni og áhrifum kirkjunnar.
Sunnudagaskólar.
Sunnudagaskólar eru haldnir í 129 löndum álls. Þeir eru
fjölsóttastir í Bandaríkjunum. Þar eru 20000000 á skráni þeirra.
Næst er England. í Rússlandi eru þeir bannaðir. — Kennarar
í þýzkum alþýðuskólum eru Iátnir heita þvi að kenna ekkert
úr Gamla testamentinu.
Á. G.
Kirkjuritið kemur út 10 sinnum á ári — alla mánuði ársins nema
ágúst og septembermánuð — um 26 arkir alls og kostar kr. 5.00
árgangurinn. Gjalddagi 1. apríl — og 1. okt., ef menn kjósa lield-
ur að borga í tvennu lagi. Afgreiðslu og innheimtu annast séra
Helgi Hjálmarsson, Hringbraut 144, sími 4776, Reykjavík.