Kirkjuritið - 01.12.1954, Síða 10

Vísitazía um ísafjarðarprófastsdœmi.
Norður-ísafjarðar og Vestur-ísafjarðar prófastsdæmin voru
ein af þeim fáu, sem dr. Sigurgeir biskup átti eftir að vísitera,
er hann lézt. Ákvað ég því að byrja vísitazíu þar. Var séra
Sveinn Víkingur skrifstofustjóri með mér í Norðurprófasts-
dæminu til júlíloka.
Vísitazían hófst í Vatnsfjarðarprestakalli, þar sem prófastur
Norður-ísafjarðarprófastsdæmis, séra Þorsteinn Jóhannesson,
er prestur. Hittumst við á Arngerðareyri að kveldi 24. júlí.
Næsta dag, laugardaginn 25. júlí, þjónuðum við báðir fyrir
altari og prédikuðum í Nauteyrarkirkju og Melgraseyrarbcen-
húsi. Og höguðum þannig guðsþjónustum í hverri kirkju,
meðan við vorum saman. Árið 1885 var Kirkjubólskirkja í
Langadal flutt að Nauteyri, endurbyggð þar og vel til hennar
vandað. Er kirkjan bændakirkja. Bænhúsið að Melgraseyri er
96 ára gamalt og þarfnast nokkurra aðgerða, enda þótt því
hafi yfirleitt verið vel við haldið. Við guðsþjónustuna voru
vígðir ágætir munir, sem Reykvíkingar, ættaðir úr byggðar-
laginu, höfðu gefið: Altarisklæði og altarisdúkur, hökull og
rykkilín.
Sunnudaginn 26. júlí fór fram vísitazía að prestssetrinu,
Vatnsfiröi. Þar er steinkirkja, reist 1911, vandað hús. Hún
stendur á fagurri grasflöt, og sunnan undir henni hefir kven-
félag Vatnsfjarðarsveitar látið girða reit til trjáræktar og
blóma.
Um kvöldið var hvasst og talsverður sjór, svo að við fórum
fyrst um nóttina til Æðeyjar og hvildumst þar vel til næsta
dags. Þá vísiteraði ég Unaösdalskirkju. Hún var vígð haustið
1898 og er enn allstæðilegt Guðs hús.
Þetta var síðasta visitazían í Vatnsfjarðarprestakalli. En
prófastur þjónar nú jafnframt Ögursókn i Ögurþingum. Fylgdi
hann okkur að Ögri, og þar vísiteraði ég þriðjudaginn 27. júli.