Kirkjuritið - 01.12.1954, Blaðsíða 57

PRÝÐUM GUÐSHÚSIN
479
framan kirkjudyra og þar komið fyrir gjallarhornum, svo að
allir gátu fylgzt með því, sem fram fór.
Til minningar um prestshjónin að Skinnastað, séra Hjörleif
Guttormsson og Guðlaugu Björnsdóttur, gáfu ættmenni þeirra
kirkjunni fagurlega útskorinn skírnarfont. Skírnarfonturinn er
skorinn í eik af Ágústi Sigurmundssyni, myndskera, með inn-
greyptri silfurskál, smíðaðri af Leif Kaldal. Þórarinn Eldjárn
hreppstjóri að Tjörnum afhenti skírnarfontinn fyrir hönd gef-
enda og gat þess, að útskurður hans væri í fornum stíl og hefði
þjóðminjavörður Kristján Eldjárn miklu ráðið um gerð hans,
og sótt fyrirmyndir í forna gripi úr Axarfirði.
Séra Páll Þorleifsson, núverandi prestur að Skinnastað, þakk-
aði gjöfina og minntist séra Hjörleifs og ættmenna hans. Önnur
gjöf — Biblían í fögru skinnbandi — barst kirkjunni frá séra
Páli og konu hans, frú Elisabetu Arnórsdóttur.
Hátíðamessan hófst með því, að séra Friðrik A. Friðriksson
prófastur í Húsavík vígði hina nýju kirkjugripi og turn kirkj-
unnar, sem nýlokið var að endurbyggja.
Séra Páll Þorleifsson flutti prédikun dagsins.
Séra Benjamín Kristjánsson, prestur að Laugalandi, minntist
þeirra presta, sem að Skinnastað höfðu þjónað s.l. 100 ár.
Við messuna þjónuðu þessir prestar: Séra Ingimar Ingimars-
son, Raufarhöfn, las bæn í kórdyrum og séra Sigurður Guð-
mundsson, Grenjaðarstað, og séra Friðrik A. Friðriksson pró-
fastur þjónuðu fyrir altari.
Kirkjukór Skinnastaðasóknar annaðist söng undir stjórn
Bjargar Guðmundsdóttur, Lóni.
í messunni skírði séra Páll fjögur börn og gifti tvenn hjón.
Að kirkjuathöfninni lokinni bauð sóknarnefnd öllum kirkju-
gestum til kaffidrykkju, sem kvenfélag sveitarinnar sá um.
Yfir hátíð þessari hvíldi sérstakur hátíðarblær og var öllum
þeim, sem að henni unnu, til sóma. spb.
Gjafir til Raufarhafnarkirkju.
Raufarhafnarkirkju hafa nýlega borizt tvær góðar gjafir.
Önnur er mjög vönduð og fögur Biblía, gefin af frú Rannveigu
Lund til minningar um eiginmann hennar, Marius Lund, og hin
Peningagjöf 500 kr. frá Ingibirni Guðnasyni, málara.