Kirkjuritið - 01.04.1961, Blaðsíða 48

Erlendar fréttir
V
J
Dr. A. Reeves, sem var hrakinn úr landi samkvæmt fyrirskipun Suður-
Afríkustjórnar í september s.l. og hefur setið í Lundúnum síðan, hefur
nú sagt af sér embætti. Vill hann ekki játa kynþáttaskiftinguna.
Sú þjónusta verður nú æ víðtækari í borgum erlendis, að prestar hlusta
á ,,skriftamál“ manna í símanum og gefa þeim, sem eiga í andlegum
erfiðleikum — og oft vilja ekki láta nafn sitt uppi — þær ráðlegging-
ar, sem þeir geta. Stundum taka líka læknar og sálfræðingar o.fl. þátt
í slíkri ,,sálusorgun“ ásamt prestinum. í Vestur-Berlín eru nú átta
þess háttar hjálparstöðvar. Sagt er að þar hafi svo reynzt að þriðji
hver nauðlíðandi hafi strítt við hjúskaparvandamál.
William F. Albright, heimskunnur fornleifafræðingur, segir i blaðavið-
tali ekki alls fyrir löngu, að rannsóknir sínar hafi æ betur leitt i ljós,
að Gamla-testamentið sé mjög traust söguleg heimild.
Frakkar ætla nú að taka upp kirkjudag eftir þýzkri fyrirmynd. Verð-
ur slíkt mót haldið i Strassburg núna um hvitasunnuna og er búist við
mikilli þátttöku.
Mormónar sækja á í Evrópu. Ráðgera að reisa þar 250 kapellur á
þessu ári.
Tíu prestar sóttu námskeið — það þriðja í röðinni, — sem nýlega var
haldið í Jarvenpaá í Finnlandi um kirkjuna og iðnaðarstofnanirnar.
Fyrst hlýddu þeir á erindi um iðnstofnanir og verkalýðsmál. Síðan
unnu þeir í verksmiðjum i sex vikur. Að því búnu voru þeir á nýju
námsskeiði, þar sem þeir ræddu þá reynslu, sem þeir höfðu öðlazt og
áttu viðræður við nokkra vinnuveitendur og verklýðsforingja.
Frú Gerda Buega fyrrv. trúboði í Kína, hefur nýlega farið þangað kynn-
isför. Segir hún að kristnir menn eigi mjög í vök að verjast þar eystra.
Af 200 kirkjum, sem voru í Shanghai eru nú aðeins 20 i notkun. Fjórir
söfnuðir starfa nú í Peking. Voru 65 fyrir fáum árum. Helzti ljós-
punkturinn er sá, að kirkjuklofningur og reiptog hinna ýmissu sér-
trúarflokka má heita úr sögunni. Allir kristnir menn taka nú höndum
saman til að berjast fyrir lífi sínu og kirkjunnar.