Kirkjuritið - 01.04.1961, Blaðsíða 50

192
Kirkjuritið
Prófastur Grænlendinga, Holger Balle er í þann veginn að segja af sér
vegna helsubrests. Sem stendur gegnir séra Mads Lidegaard embætt-
inu. Líklegast er þó talið að séra Svend Erik Rasmussen, prestur í
Umanak í Norður-Grænlandi verði skipaður í það.
Biskup Westergaard Madsen, hinn nýi Sjálandsbiskup, hyggst visitera
Grænland frá 15. júlí til 14. ágúst. Aðeins tveir danskir biskupar hafa
gert það áður. H. Ostenfeldt 1921 og Fuglsang-Damgaard 1953.
Jens Chr. Chemitz er fyrsti Grænlendingurinn, sem tekið hefur guð-
fræðipróf við háskólann í Kaupmannahöfn. Hann lauk því nýlega með
lofi. Faðir hans og afi voru prestar í Grænlandi. Afinn var danskur,
amman grænlenzk, móðirin dönsk. Sjálfur var hann alinn upp í Dan-
mörku frá því að hann var 10 ára. Er hann því farinn að ryðga í
grænlenzkunni, þótt hann hafi dvalið tvisvar um hríð þar nyrðra. En
hann kveðst ákveðinn í að gerast prestur þar.
Dr. Krummacher, biskup í Greifswald, er talinn einna áhrifamesti
kirkjuhöfðingi austan járntjalds. Gáfumaður og laginn. Kom allmikið
til orða að hann yrði kosinn eftirmaður dr. Dibelíusar og valinn var
hann í æðsta ráð þýzku kirkjunnar. Hann hefur nú lagt til að samið
verði nýtt barnalærdómskver með tilliti til nýrra og breyttra aðstæðna.
Verði m. a. að gefa nýjar leiðbeiningar um viðhorf kristinna manna
bæði til fjölskyldulífsins og starfanna, jafnt á jákvæðan og neikvæðan
hátt.
,,Ef t. d. væri beint spurt:
Eigum vér að starfa sósíalistikt ? yrði svarið já. En við getum ekki
lifað sósíalistíkt. Hvorki ég eða fjölskylda mín getum byggt tilveru
okkar á guðleysi, heldur aðeins á hinu kristna fagnaðarerindi".
10. september í haust verður minnst 800 ára afmælis Sorökirkju í
Danmörku. Þar var stofnað Benediktsmunkaklaustur um 1100 og gekk
faðir Absalons konungs í það með samþykki konu sinnar. En brátt
þótti ábótinn stunda meir sinn egin hag en Guðs og réð Absalon þá
Cisterciensarreglubræður til að taka við klaustrinu. Er enn til gjafa-
bréf frá Benediktsmunkum dagsett 13. júní 1161, þar sem þeir ánafna
Cistersiensum klaustur sitt, Hófust þeir síðarnefndu þá strax handa
um nýja kirkjubyggingu. Gudmund Schiöler, Hróarskeldubiskup, mun
prédika við minningarguðsþjónustuna, og margt verður þar annað til
hátíðabrigða.
KIRK JURITIÐ
Tímarit gefið út af Prestaféiagi íslands, kemur út 10 sinnum á óri.
Ritstjóri: Gunnar Árnason.
Árgangurinn kostar 70 krónur.
Afgreiðslu annast Ingólfur Þorvaldsson.
Sími 36894.
Prentsmiðja Jóns Helgasonar.