Kirkjuritið - 01.09.1976, Page 12

Prinsessa frá Grúsíu
og bænir í Burrswood
Prinsessa frá Grúsíu
Það var á miðju vori 1975, þegar sól-
in stráði geislum sínum af miklu ör-
læti yfir land og sæ, svo að menn gátu
varla orða bundizt yfir veðurblíðu, að
hér hafði viðdvöl á leið sinni vestur
um haf kona ein við aldur, góðmann-
leg og höfðingleg. Hún heitir Marina
Chavchavadze, prinsessa frá Rúss-
landi eða réttara sagt Grúsíu. Ekki
kom hún þó þaðan, því að föðurland
sitt hafði hún yfirgefið fyrir löngu,
nauðug eins og margir í hennar spor-
um á þeim árum. Hún á heima í Burrs-
wood í Kent á Englandi. Kent er sú
sveit á Englandi, sem nefnd hefir ver-
ið „aldingarður Englands" og er ein-
hver fegurst sveit þar í landi, þegar
eplatrén standa í blóma á vorin.
Þessari konu kynntust nokkrir prest-
ar á heimili biskupshjónanna, en bisk-
upinn hafði boðið þeim prestum, er
til náðist í Reykjavík, til að hitta hana
er hún var gestur þeirra hjónanna,
og hlýða á frásögn hennar af starfi
því, er fram fer í Burrswood dag hvern.
Fleiri fengu og að njóta annarrar frá-
sagnar hennar stuttu síðar, er hún
ræddi um starf hjúkrunarheimilisins í
Burrswood í Hallgrímskirkju í Reykja-
vík.
Ég hygg að óhætt sé að segja það,
að allir, sem hlýddu á mál hennar hafi
orðið snortnir af því. Þess lét hún
einnig getið, að þeir, sem leið ættu til
Englands væru velkomnir til Burrs-
wood til dvalar, ef þá fýsti að sjá °9
heyra það, sem þar væri um að vera.
Því var það, að síra Karl Sigut'
björnsson og kona hans, Kristín Guð-
jónsdóttir lögðu leið sína þangað 1
sumarleyfi í fyrra.
Síra Karl varð góðfúslega við til'
mælum um að segja lesendum KirkjU'
ritsins frá því, sem þau hjónin urðu
vísari. Við mæltum okkur mót morgun'
stund eina skömmu fyrir Mikjálsmessu
og ræddum um þessa ferð.
Dorothy Kerin og Burrswood
— Hvernig stóð á því, að þú lagðir
leið þína til Burrswood í fyrra?
— Það var eiginlega vegna komu
Marina Chavchavdze hingað til lands.
170