Sjómannadagsblaðið - 03.06.1951, Page 40

B.v. Jón forseti, fyrsti togarinnar sem byggður var
fyrir íslendinga.
beitni við störf sín, hver stund hefur honum þótt
dýrmæt. Það er og orðið ærið dagsverk, er eftir
hann liggur, og er vafamál, að aðrir af sonum
þjóðarinnar hafi lagt öllu meira á borð með sér.
Guðmundur hefir þó gefið sér tíma til að sinna
ýmsum félagsmálum sjómanna. Hann hefir verið
formaður skipstjórafélagsins Ægir, og verið full-
trúi félags síns á þingum Farmanna- og fiskimanna
sambandsins. Þá hefir hann átt sæti í stjórnskip-
aðri nefnd er unnið hefir að endurskoðun á lögum
um skipaskoðun og öryggiseftirlita o. fl. Á Sjó-
mannadaginn 1944 sæmdi forseti Islands Guðmund
fálkaorðunni íslenzku í viðurkenningu fyrir störi
hans þjóðinni til heilla, og mun almennt álitið, að
engir eigi slíka viðurkenningu betur skilið, en
þeir, er hafa lagt á sig mikið erfiði, til að afla þjóð-
inni brauðs og álits.
Markús Guðmundsson, er nú tekur við skips-
stjórn af föður sínum og farið hefir svo vel af
stað, er tákn þeirra ungu manna, sem nú eru að
byrja að leysa eldri kynslóðina af hólmi. Sú unga
kynslóð, er hann tilheyrir, hefir að ýmsu leyti
fengið mun betri aðstöðu en foreldrarnir, meiri
menntun, meira líkamlegt og andlegt viðurværi,
meira frjálsræði og betri aðhlynningu á allan hátt.
Sumir vantreysta ungu kynslóðinni, af því að hún
hafi haft það of gott. Framsækin æska þarfnast
viðfangsefna. Reynzlan mun sína, að enginn þarf
að óttast æskuna ef henni aðeins verður séð fyrir
nægum verkefnum. Hættan liggur aðeins í því ef
verið er að ala unga fólkið upp til þess, sem engin
þörf er fyrir. En það á ekki við um sjóinn og fiski-
veiðarnar, eða nýtingu sjávarafla, á því sviði verða
ávallt til næg verkefni fyrir unga menn, með mann-
dómsþroska.
Markús Guðmundsson, sem er útskrifaður bæði
úr Verzlunarskóla og Sjómannaskóla Islands, mun
ekki hafa verið eldri en 7 ára, er hann byrjaði að
fara í veiðiferðir með föður sínum og sýndi fljótt
mikla skarpskyggni og sérstakan áhuga fyrir öllu
því er að fiskiveiðum laut. Sjó stundaði hann og
jafnan milli þess er hann var í skóla.
Markús tók ungur þátt í íþróttakeppni Sjó-
mannadagsins og hefir hlotið 1. verðlaun fyrir
björgunarsund og 3. verðlaun fyrir stakkasund.
Það er ánægulegt til þess að vita og ætti að verða
til hvatningar fyrir aðra, að flestir hinir ungu
menn er skarað hafa fram úr í sundkeppni Sjó-
mannadagsins, eru nú að verða eða eru þegar
orðnir dugandi togaraskipstjórar. Þannig er eitt
manndómsbragð vísir til einhvers meira.
Sjómannadagsblaðið ber fyllsta traust til ungu
sjómannanna og árnar þeim heilla og hyllir hina
dugmiklu fyrirrennara þeirra, sem hafa varðað
þeim veginn.
Pétur Eiríksson sundkappi tekur á móti verðlaunum
sínum með ánægju.
20 SJÓMANNADAGSBLAÐIÐ